Ղարաբաղի հարցում զսպվածություն ցուցաբերեք. Էրդողանին Պուտինի առաջադրած 7 կարևոր նախապայմաններից մեկը
Header
Թուրքական «Սիւճէ» թերթի սյունակագիր Ճան Աթաքլն օգոստոսի 31-ին հրապարակած իր հոդվածով ուշագրավ մանրամասներ է հաղորդել Ռուսաստանում վերջերս տեղի ունեցած Պուտին-Էրդողան հանդիպման վերաբերյալ: Այս մասին այսօր տեղեկացրել է «Էրմենիհապեր» կայքը:
Ըստ սյունակագրի, Վլադիմիր Պուտինը Ռեջեփ Թայիփ Էրդողանին առաջադրել է 7 կարևոր նախապայման, որոնց լուծման պարագայում երկկողմանի հարաբերությունները վերջնականապես պետք է կարգավորվեն: Աթաքլի տեղեկացմամբ, այդ առաջարկները հետևյալներն են.
Սիրիայի նկատմամբ ձեր վարած քաղաքականությունն ի սկզբանե սխալ ընթացած է: Մենք Ասադին ենք պաշտպանում, դուք էլ ձեր համառությունից հրաժարվեք և ճանաչեք Ասադի օրինականությունը:
Ղարաբաղը մեզ համար շատ կարևոր է: Գիտենք նաև, որ ձեզ համար էլ Ադրբեջանի պատճառով կարևոր է, սակայն այս հարցում զսպվածություն ցուցաբերեք: Այս խնդիրը լուծման կարիք ունի: Մեզ հակառակելով, խնդիրը լուծելու փոխարեն ավելի՛ կբարդացնեք:
Ղրիմի հարցով կպաշտպանեք մեր դեմ իրականացվող քայլերը։ Նույնն անում եք Կովկասի որոշ երկրների մէջ: Սխա՛լ է։ Նման քայլերը կխոչընդոտեն հարաբերությունների բնականացումը:
Մենք գիտենք, որ ձեր գործակալները Կենտրոնական Ասիայի մեջ աշխատանքներ կիրականացնեն՝ փորձելով տարածաշրջանի ժողովուրդնեին մեր դեմ լարել: Վե՛րջ տվեք այս ընթացքին:
Մինչ Սիրիայի մեջ միակ վտանգը «Իսլամական պետություն» ահաբեկչական կազմակերպությունն է, դուք ուշադրությունը բևեռել եք Սիրիայի քրդական ժողովրդավարական միություն կուսակցության վրա: Այս կուսակցությունը մեզ համար էլ կարևոր է: Որևէ քայլ մի՛ արեք, հակառակ պարագայում՝ տարածաշրջանը անցանկալի իրադարձությունների թատերաբեմ կարող է դառնալ:
Վերջ տվեք դեպի Սիրիա զենք և զինամթերք ուղարկելուն: Ձեր սահմանները բաց են ահաբեկչական կառույցների և Ռուսաստանի շահերի դեմ հանդես եկողների առջև:
Մի շարք թուրք նախարարների և պաշտոնատարների հակառուսական հայտարարությունները մեզ չափազանց կանհանգստացնեն: Հատկապես ինքնաթիռի կործանումից հետո կատարված որոշ հայտարարություններ չե՛ն մոռացված: Կխնդրեմ, որ այսուհետև ավելի զուսպ լինեն նրանք։
1
2
3
4
5
1
3
4
5
1
2
3
4
5
