Դիմահարդարման 7 հնարք, որոնց մասին պետք է մոռանալ

Առաջատար մասնագետները հայտնում են, որ այս հնարքներից պետք է վաղուց արդեն հրաժարվել:

Երբեք մի քսեք տոնը խոնավ մաշկի վրա

Եթե դուք պրայմեր եք օգտագործում, ապա թողեք 5-7 րոպե, որպեսզի այն ներծծվի և միայն դրանից հետո քսեք տոնային կրեմը: Եթե այն քսում եք միանգամից մաշկի վրա, նախապես անձեռոցիկով անցեք մաշկի վրայով, որպեսզի հանեք յուղի կամ խոնավության նույնիսկ չնչին քանակը:

Երբեք մի օգտագործեք միայն մեկ կոնսիլեր

Դուք պետք է ունենաք առնվազն երկու հատ՝ մեկը աչքերի տակի հատվածի համար, մյուսը՝ մնացած հատվածների: Մուգ շրջանակների համար նախատեսված կոնսիլերով հարմար չէ ծածկել բշտիկները կամ անոթները:

Երբեք մի չարաշահեք դիմափոշին

Ավելի լավ է քիչ, քան շատ: Դիմափոշին միշտ մի շերտով պետք է քսել և աշխատեք վրձնով  մաշկին դիպչել  թեթևակիորեն: Հիշեք, որքան շատ երևա դիմաթոշին, այդքան տարիքով այն ձեզ ցույց կտա:

Երբեք շիմերն այլ տեղերի համար չճգտագործեք, միայն այտոսկրերին

Հիշեք, շիմերը միայն այտոսկրերի համար է, ոչ ճակատի, ոչ քթի և ոչ էլ դեկոլտեի հատվածի:

Երբեք աչքերը կլոր մի գծեք

Դա նրանց տեսողականորեն փոքրացնում է: Գծեք կամ վերևի հատվածը, կամ արտաքին անկյունը:

Երբեք մի օգտագործեք ջրակայուն սևաներկ

Եթե հատուկ առիթ չկա,պետք չէ այն օգտագործել՝ փչացնելով թարթիչները:

Երբեք շատ վառ մի ներկեք հոնքերը

Սևահերների մոտ դրանք պետք է մազերից երկու տոն բաց լինեն, շիկահերների մոտ՝ երկու տոն մուգ: Մնացած տարբերակներն անբնական են երևում: