Այս աշնան դիմահարդարման 5 գլխավոր միտումները (լուսանկարներ)
Life
Wnews.am-ը գրում է .
Յուրաքանչյուր սեզոնի մեկնարկին նորովի ներկայանալու ցանկություն է առաջանում։Wnews.am-ն առաջարկում է ծանոթանալ աշնանային դիմահարդարման հինգ գլխավոր թրենդներին, որոնք ի հայտ են եկել աշխարհահռչակ դիզայներների աշուն 2016 նորաձեւության ցուցադրություններում։
Մուգ շրթներկ.
Մուգ շրթներկը թեպետ նոր թրենդ չէ, սակայն սեզոնի դիմահարդարման ամենագլխավոր միտումներից է։ Շագանակագույն-կարմրավուն, մուգ կարմիր, մուգ մանուշակագույն երանգի շրթներկով մոդելները պոդիումում հայտնվեցին Dior-ի եւ Louis Vuitton-ի ցուցադրություններում։
Դիմահարդարներն առաջարկում են օգտագործել միայն մուգ շրթներկ եւ այլեւս ոչ մի դիմահարդարում։ Ի դեպ, դատելով նորաձեւության վերջին ցուցադրություններից, աշնանը նորաձեւ են ոչ միայն անփայլ, այլ նաեւ փայլուն շրթներկները։
Մաշկի առողջ փայլ.
Այս թրենդն ակտուալ էր ամբողջ տարվա ընթացքում, սակայն այս սեզոնին նոր տեսք ստացավ. այժմ թրենդային է առողջ, ներսից փայլող մաշկը։ Գլխավոր դետալը՝ մաքսիմալ բնական փայլն է։ Valentino-ի հավաքածուի ցուցադրությանը աստղային դիմահարդար Փեթ Մակգրատը հայլայթերով շեշտել է մոդելների այտոսկրերը, այտերն ու շուրթերի վերեւի հատվածը, իսկ Gucci -ի եւ Prabal Gurung-ի ցուցադրությանը դիմահարդարները մաքսիմալ բնական եւ թարմ մաշկի էֆեկտը ստացել են ծիրանագույն երանգի հայլայթերի միջոցով։
Ընդհանրապես պետք է նկատել, որ կոնտուրինգն ապրել է իր դարաշրջանը, այժմնոնտուրինգի՝ մաքսիմալ բնականության ժամանակահատվածն է։ Այնպես որ՝ որքան դեմքին քիչ շպար, այնքան լավ։
Ոսկու փայլ.
Իհարկե այս թրենդն առաջին հերթին վերաբերում է հենց աչքերի աշնանային նորաձեւ դիմահարդարմանը։ Համարձակ օգտագործեք ոսկեգույն, արծաթագույն եւ շագանակագույն ստվերաներկեր։
Մի շարք հայտնի դիզայներների ցուցադրություններում դիմահարդարման շեշտադրումը աչքերի մետալիկ փայլի վրա էր։ Մուգ արծաթագույնը գերազանց համադրվում է մաշկի բոլոր երանգների հետ։
Այտերի սնգույր.
Ձեր այտերին թեթեւակի երանգ ավելացրեք, որպեսզի դեմքին թարմություն հաղորդեք։ Աշնանային դիմահարդարման մեջ ոճաբաններն առաջարկում են սնգույրը տարածել նաեւ այտոսկրերի ներքեւի հատվածում։ 
Գրաֆիկական սլաքներ.
Altuzarra, Kenzo, Oscar de la Rena եւ Giamba ցուցադրություններում ոճաբանները մոդելների աչքերին գրաֆիկական դիմահարդարում են արել՝ հայտարարելով այս թրենդի շարունակության մասին։ 2016-ի աշնանը գրաֆիկական սլաքները շարունակում են թրենդային լինել եւ դառնում են սեզոնի դիմահարդարման գլխավոր միտումներից մեկը։ 
Սեւ smokey eyes.
2016-ի աշնանը շատերի կողմից սիրված այս դիմահարդարումը վերադառնում է։ Աշնանային դիմահարդարման եւս մեկ թրենդներից է համարվում անփայլ սեւ smokey eyes-ը։
1
2
3
4
5
2
3
4
1
2
3
4
5
