Մեքսիկայում պատգամավորները ծեծկռտուք են սարքել Թրամփի այցի պատճառով
Միջազգային
Մեքսիկայի նորընտիր խորհրդարանի աշխատանքային առաջին օրն ավարտվել է ծեծկռտուքով, իսկ պատճառն ԱՄՆ նախագահի թեկնածու Դոնալդ Թրամփի այցն է այդ երկիր: Այս մասին գրում է ՌԻԱ Նովոստին:
Կանոնակարգի համաձայն՝ կառավարությունը մեկամյա աշխատանքի մասին զեկույց է ներկայացրել: Սակայն ընդդիմադիր պատգամավորներին բոլորովին այլ թեմա է հուզել՝ Թրամփի այցն ու նրա ոչ պաշտոնական հանդիպումը Մեքսիկայի նախագահ Էնրիկե Նիետոյի հետ:
«Մորենա» կուսակցությունից համակարգող Ռոսիո Գարսիայի ելույթի ժամանակ նրա կողմնակիցները մոտեցել են ամբիոնին եւ «Իսկ որտե՞ղ է արժանապատվությունը, Նիետո» ու «Թրամփ, դո՛ւրս Մեքսիկայից» գրությամբ պաստառներ պարզել: Արդյունքում խորհրդարանի աշխատանքը վերջնականապես տապալվել է, նաեւ ծեծկռտուք է սկսվել:
Չորեքշաբթի Թրամփը Մեխիկոյում ոչ պաշտոնական հանդիպում է ունեցել Մեքսիկայի նախագահի հետ, ինչի հետեւանքով վերջինը ձախ ուժերի սուր քննադատությանն է արժանացել: Համատեղ մամուլի ասուլիսի ժամանակ Թրամփն ասել է, որ քննարկել են Մեքսիկայի եւ ԱՄՆ-ի սահմանին պատի կառուցման հարցը, բայց չեն խոսել այն մասին, թե ով է վճարելու շինարարության համար: Իսկ ԱՄՆ վերադառնալուց հետո Թրամփը հայտարարել է, որ պատը կառուցվելու է Մեքսիկայի հաշվին:
1
2
3
4
5
3
4
5
1
2
3
4
5
