Գեղեցկության արտասովոր գաղտնիքներ Կոկո Շանելից

Աշխարհում չկա մի կին, ով չցանկանա գեղեցիկ ու երջանիկ լինել: Կանանց թուլությունը գեղեցկանալն ու տղամարդկանց հաճոյանալն է: Շատ հաճախ կյանքի տարբեր փուլերում կինն էլ է թուլանում և կորցնում կանացի ողջ հմայքը: Սակայն պետք չէ շտապել: Կինը գեղեցիկ լինելուց բացի պետք է կարողանա նաև իրեն երջանիկ զգալ: 

Աշխարհահռչակ դիզայներ ու մոդելիոր Կոկո Շանելն իր կյանքում շատ քիչ է ապրել երջանիկ պահեր, բայց երբեք չի կորցրել իր կանացի հմայքն ու գեղեցկությունը: Ավելին, նա կարողացել է նույնիսկ հազարավոր կանանց պարգևել ժպիտներ, գեղեցկություն ու երջանկություն, իսկ տղամարդկանց ստիպել՝ գնահատել կանանց արժանիքներն ու սեթևեթանք արտահայտող գեղեցկությունը: 
Ձեզ ենք ներկայացնում Շանելի հավերժական կանացիության ու գեղեցկության արտասովոր գաղտնիքներից 15 կանոն: 
1.Իսկական կինը պետք է գիտակցի, որ երջանկությունը հենց կին լինելու մեջ է: 
2. Որքան շատ լինեն կնոջ համար նախատեսված սիրելի զբաղմունքներն ու հետաքրքրություններն, այնքան նա ավելի քիչ կզբաղվի ուրիշների գործերով: 
3.Կինը չպետք է շտապի անհաջողակ տղամարդկանց արցունքների ու դժգոհությունների համար դառնալ հարմարավետ հենասյուն. իսկական տղամարդն ինքնուրույն է կարգավորում սեփական խնդիրները: 
4.Եթե կինը ցանկանում է գեղեցիկ լինել ցանկացած պատահական հանդիպումների ժամանակ, նա պետք է սովորի գեղեցիկ լինել միշտ. անգամ աղբը թափելուց նա հաճելի տեսք պետք է ունենա. կդառնա սովորություն, կդառնա նաև ճակատագիր: 
5. Փողի նկատմամբ կնոջ վերաբերմունքը պետք է լինի թեթև: Եթե նա ունի փող, պետք է սովորի այն ծախսել, իսկ եթե չունի, չպետք է տխրի: 
6. Կինը պետք է իմանա իր արժեքը, բայց երբեք չպետք է բարձրաձայնի այդ մասին: 
7. Մի´ շտապեք ձերբազատվել ձեզ դուր չեկած տղամարդկանցից: Որքան շատ տղամարդկանցով լինեք շրջապատված, այնքան ավելի գրավիչ կլինեք մյուսների համար: Սպասե´ք մի փոքր, և վաղ թե ուշ այդ շրջապատում կհայտնվի նա, ով ձեզ պետք է: 
8. Եթե կինը չի ցանկանում պատասխանել որևէ կոնկրետ հարցի, բավական է, որ նա բազմանշանակ ժպտա: Շատ հաճախ ժպիտն ավելի զորեղ է ներգործում: 
9. Կնոջ արցունքները հզոր զենք են, սակայն դրանք պետք է կիրառվեն հնարավորինս հազվադեպ: Մշտապես լացող կինը ոչ թե կարեկցանք, այլ զայրույթ է արթնացնում : 
10. Կինը կարող է լինել բազմակողմանի զարգացած ու լավ կրթված, բայց «ամեն ինչի ու ոչնչի մասին» առանց խոսելու կարողության, նա չի կարող հետաքրքիր զրուցակից համարվել: 
11. Կինը չի կարող կարիերայում միանգամից ցուցադրել իր բոլոր արժանանիքները: Որքան շատ նրան թերագնահատեն սկզբում, այնքան մեծանում են նրա’ վերջում հաղթելու շանսերը: 
12. Տղամարդկանց կապվածությո՞ւն: Չկա ավելի հեշտ բան: Սկզբից ևեթ սովորեցրեք տղամարդկանց փող ու ժամանակ ծախսել ձեզ վրա: Տղամարդիկ ավելի շատ գնահատում են այն, ինչ տալիս են, քան այն, ինչ իրենք ստանում են: 
13.Կինն, ով կարողանում է դուր գալ, չի կարող անմասն մնալ բամբասանքներից: Սակայն դա այն դեպքում միայն, երբ պետք չէ հաշվի առնել հասարական կարծիքը: Գլուխը բարձր պահեք. լավ է լինել սեթևեթող, քան բամբասող: 
14. Առույգ լինելու համար կինը պետք է ժամանակ առ ժամանակ ինչ- որ բան կարողանա փոփոխել կյանքում՝ ձեռնոցները, աշխատանքն ու տղամարդուն: Եթե աշխատանքի և տղամարդկանց հարցում բախտը ձեզ ժպտա, ուրեմն հաճախ փոխեք ձեռնոցները: 
15. Քանի դեռ կինն իրեն զգում է կին, ուշ չէ ամեն ինչ վերսկսել սկզբից: