Պետք է պահանջել 131 պատգամավորից ընդունել օրենքներ, որոնք բխում են ամբողջ հայ ժողովրդի շահերից
Արման Ղուկասյանը ֆեյսբուքյան իր էջում գրում է.
Յուրաքանչյուր քաղաքական կուսակցություն տեսլականորեն ներկայացնում և պաշտպանում է իր ընտրողների, անդամների շահերը երկրի պառլամենտում և այնտեղից դուրս: Ստացվում է, որ այսպես, կամ այնպես կուսակցություն ասվածը արտացոլում է հասարակության առանձին շերտերի շահերը:
Սյսպիսով, տեսնում ենք, որ քաղաքական կուսակցությունները իրենցով չեն կարող միասնականություն ապահովել, և հենց այդ պատճառով է, որ ականատես ենք լինում ամեն օր ԱԺ -ում տուր ու դմփոցի և արձյունքում ստանում հակաժողովրդական օրենքներ: Ո՞վ է ներկայացնում ժողովրդի շահերը և ինչպե՞ս պայքարել այն օրենքների դեմ, որոնք հակապետական են և հակահասարակական:
Ինձ թվում է, որ հենց դուք՝ հայ ժողովուրդ, հենց մենք՝ Հայաստանի Հանրապետության քաղաքացիներս, պետք է հասկանանք, որ իրական պայծառ հայրենիք և արդար երկիր կարելի է ունենալ միայն արդար օրենքների շնորհիվ, որտեղ օրենքը և նրա ուժը բոլորի համար առավել է ամեն ինչից, որտեղ բոլորը հավասար են օրենքի առաջ:
Երբ Ազգային Ժողովը ընդունում է օրենքներ, որոնք բխում են հայ ժողովրդի շահերից, ապա պետք է ողջունել, բայց երբ մենք տեսնում ենք օրենքներ տրամաբանությունից դուրս` լռելը նույն պես անտրամաբանական է: Մտածեք, հայ ժողովուրդ ջան, ոնց մեր շահերը կարողանանք պաշտպանել, որ շարունակենք ապրել Հայաստանում, օրենքի երկրում, որտեղ ամեն ինչ վատ չէ, բայց կարող է լինել ավելի լավ: Բացի բողոքելուց, կարող ենք նաև աշխատել, գործել և պահանջել 131 պատգամավորից ընդունել օրենքներ, որոնք բխում են ամբողջ հայ ժողովրդի շահերից:
Արման Ղուկասյան՝ Միջազգային հումանիտար զարգացման հասարակական կազմակերպության նախագահ
1
2
3
4
5
1
3
4
5
1
2
3
5
