Հայաստանի հասարակության ներկայիս իրավիճակը. մարդիկ մասայական փսիխոզի մեջ են ընկնում
Էդգար Խաչատրյանը ֆեյսբուքյան իր էջում գրում է .
Օրվուելի 1984 գրքում մի դրվագ կա, որը համապատասխանում է Հայաստանի հասարակության ներկայիս իրավիճակին: Մարդիկ մասայական փսիխոզի մեջ են ընկնում, ու չնայած նրան, որ Օրվուելի մոտ հասարակությունը միատարր էր, չկային հանրապետականներ ու ոչ հանրապետականներ՝ դրությունը նույնն էր, հակառակ կարծիք ունեցողները չէին ընդունվում:
Երեկ ոստիկանների մասին արվածս գրառումները բուռն քննարկումների տեղիք տվեցին: Ինձ կհարցնեք կա արդյո՞ք վատ ոստիկան, ես կնշեմ այո շատ կան և միևնույն ժամանակ կան լավ ոստիկանները, բայց եթե մենք ցանկանում ենք դուրս գալ այս իրավիճակից ու ցանկանում ենք զարգացնել մեր հասարակությունը, պետք է դադարեցնենք մասայաբար փնթփնթալու մեր սովորությունը:
Չկա միանշանակ լավն ու միանշանակ վատը: Չի կարելի ազգովի ատել, կամ ազգովի սիրել: Մի քիչ սթափ ու սառը մտածողություն է պետք: Երբ տարածում ենք ոստիկանների մեկ ու կես տարվա առաջվա նկարն ու բոլորով ցույց տալիս, այ տեսեք ինչ վատն են, մենք հաստատ ավելի լավը չենք դառնում, երբ ցույց ենք տալիս ոստիկանի նկարը ով տատիկին է օգնում՝ դրանից էլ աշխարհում ոչինչ չի փոխվում:
Պետք չի նկարել, եթե այդ երիտասարդները նստել էին ու տեղ չէին զիջում, նկարելու փոխարեն կարելի էր խնդրել որ կանգնեն, դա շատ ավելի մեծ քայլ կլիներ հասարակության զարգացման համար, տատիկին փողոցն անցկացնող ոստիկանը միանշանակ իր պարտականությունն է կատարում, ու մեր հարկերից վճարվում է, նրան էլ պետք չի նկարել, բայց երբ կա առաջին նկարը լինելու է և երկրորդը:
Մեդալը միշտ ունի երկու կողմ ու ցավում եմ, բայց նման տեմպերով մենք այդպես էլ մնալու ենք նկարների հույսին ու դուրս չենք գալու մասայական փսիխոզից:
1
2
3
4
5
1
2
3
4
1
2
3
5
