Ովքեր են կառավարության ամենաերկարակյաց նախարարները. ով որքան է պաշտոնավարել

Արդեն երկու  օր է, մամուլը պնդում է, որ ՀՀ-ն շուտով նոր վարչապետ է ունենալու: Ըստ տարածված տեղեկությունների՝ Հովիկ Աբրահամյանն իր հրաժարականի մասին կհայտնի մոտ օրերս: Նախատեսվում է, որ Հովիկ Աբրահամյանի հետ հրաժարական կտա ամբողջ կառավարությունը: Որպես նոր վարչապետի թեկնածու շրջանառվում է Կարեն Կարապետյանի անունը:

Հովիկ Աբրահամյանը վարչապետի պաշտոնում նշանակվեց 2014 թվականի ապրիլի 13-ին: ՀՀ կառավարությունը բաղկացած է 19 նախարարություններից:

Ամեներկարակյաց նախարարը մշակույթի նախարար Հասմիկ Պողոսյանն է: Դեռևս 2006թ  մայիսին նա նշանակվել է Հայաստանի մշակույթի և երիտասարդության հարցերի նախարար: 2007 թվականի հունիսի 8-ին նշանակվել է է ՀՀ մշակույթի նախարար։  Այնուհետև 4 անգամ վերանշնակավել է նույն պաշտոնում:

Հասմիկ Պողոսյանին հաջորդում է պաշտպանության նախարար Սեյրան Օհանյանը: Նա 2008 թ. ապրիլի 14-ին է նշանակվել ՀՀ պաշտպանության նախարար: Այնուհետև 4 անգամ վերանշնակավել է իր պաշտոնում:

Արտաքին գործերի նախարար Էդվարդ Նալբանդյան 2008 թ. ապրիլի 15-ին նշանակվեց իր պաշտոնին: Այնուհետև 2012թ, 2013թ, 2014թ, վերանշանակվել է պաշտպանության նախարարի պաշտոնում:

Սփյուռքի  նախարար Հրանուշ Հակոբյանը նախարարի պաշտոնում նշանակվեց 2008 թ. հոկտեմբերի 1-ին: Նա արդեն 8 տարի է պաշտոնավարում է:

Հրանուշ Հակոբյանին հաջորդում է գյուղատնտեսության նախարար Սերգո Կարապետյանը: Նա նախարարի պաշտոնին է նշանակվել 2010 թ. դեկտեմբերի 31-ին: Այնուհետև տարբեր տարիների ընթացքում վերանշանակվել է:

Սերգո Կարապետյանին հաջորդում է աշխատանքի և սոցիալական հարցերի նախարար Արտեմ Ասատրյանը, ով նշանակվեց 2012 թ. հունիսի 16-ին: 2014 թ. ապրիլի 26-ին Արտեմ Ասատրյանը վերանշանակվեց նախարարի պաշտոնում:

Դավիթ Լոքյանը կառավարությունում է 2001թ-ից: Նա եղել է քաղաքաշինության նախարար, գյուղատնտեսության նախարար։ Սակայն  2008 թ. հունիսի 2-ին  ազատվել է ՀՀ գյուղատնտեսության նախարարի պաշտոնից՝ ՀՅԴ բյուրոյի անդամ ընտրվելու կապակցությամբ: Իսկ արդեն  2016 թ. փետրվարի 24-ին նշանակվել է ՀՀ տարածքային կառավարման և զարգացման նախարար:

Տրանսպորտի և կապի նախարար Գագիկ Բեգլարյանը կառավարությունում է 2012թ հունիսի 16-ից: 2013 թ. մայիսի 8-ին նա վերանշանակվել է, իսկ 2014 ապրիլի 22-ին կրկին նշանակվել  տրանսպորտի և կապի նախարարի պաշտոնում:

Առողջապահության նախարար Արմեն Մուրադյանը նշանակվել է  2014թ. ապրիլի 23-ին:

Արամայիս Գրիգորյանը բնապահպանության նախարար է նշանակվել 2014 թվականի ապրիլի 30-ին:

Վաչե Գաբրեիլյանը 2014 թ. նոյեմբերի 28-ին նշանակվել է ՀՀ փոխվարչապետ և միջազգային տնտեսական ինտեգրման և բարեփոխումների նախարար:

Արմեն Երիցյանը 2014 թվականի դեկտեմբերի 1-ին նշանակվել է ՀՀ տարածքային կառավարման և արտակարգ իրավիճակների նախարարի պաշտոնում, իսկ 2016 թվականի փետրվարի 24-ին ազատվել է նախարարի պաշտոնից: Այնուհետև  2016 թվականի փետրվարի 24-ին նշանակվել է ՀՀ արտակարգ իրավիճակների նախարար:

Գաբրիել Ղազարյանը նույնպես 2014 թվականից է կառավարությունում: Նա ՀՀ սպորտի և երիտասարդության հարցերի նախարար է նշանակվել 2014 թ. մայիսի 3-ին:

Քաղաքաշինության նախարար Նարեկ Սարգսյանը իր պաշտոնում է նշանակվել 2014 թ. ապրիլի 23-ին:

Ֆինանսների նախարար Գագիկ Խաչատրյանը նշանակվել է 2014 թ. ապրիլի 26-ին:

Արդարադատության նախարար Արփինե Հովհաննիսյանը նշանակվել է 2015 թ. սեպտեմբերի 4-ին: Օրերս լրացավ նրա պաշտոնավարման մեկ տարին:

Էկոնոմիկայի նախարար Արծվիկ  Մինասյանն ու էներգետիկայի ու բնական պաշարների նախարար Լևոն Յոլյանը նշանակվեցին օրերի տարբերությամբ՝ 2016թ փետրվարին:

Կրթության և գիտության նախարար Լևոն Մկրտչյանը կրկին նշանակվեց իր պաշտոնում 2016 թ. փետրվարի 24-ին: