Ազգային ոգեշնչման ակունքը...

Կարեն Շահազիզյանը ֆեյսբուքյան իր էջում գրում է.

Հայ իրականության ընկալումը ձևավորվում է երկու տարբեր միջավայրերում՝հայաստանյան և եվրոպական:Ծանր է այդ մասին մտածելը անգամ:Այս տարիներին երիտասարդությունը լցված է երկիրը թողնելու բուռն ցանկությամբ, թեև հստակ չի պատկերացնում իր անելիքը:

Ազգային հարցերին նայում ենք սիրողական, իսկ անհատի ազատության մասին ծայրահեղ թվացող դատողությանը՝ առաջնային:Հեռանալով երկրի սոցիալական անհաշտելի հակասություններից,ռոմանտիզմը ձեռքներիս շարժվում ենք դեպի <<ՈՍԿԵ ՔԱՂԱՔ>> բախտ որոնելու:Երկրում պայքարի ոգին է դատարկվում, ինչպես նաև հայ մարդը:

Ամենահեշտ վիճակը մեռելային, անտարբեր վիճակն է, իսկ պատճառը լավ գիտենք՝ ազգային ոգեշնչման ակունքը ցամաքել , կամ փոխել է իր հունը:Երկրի ահագնացող սոցիալական վիճակը, անարդարությունը, տգետ-տխմարների իշխանության գլուխ կանգնելը/չասեմ ամբողջովին/...փչացրեց և փչացնում է հայի անաղարտ մտածելակերպը,ոգին... , որը կար մի ժամանակ:

Վերջապես երկրի պատկերը և գործող բիրդանները մեր աչքերի առջև են, ում ինչում համոզես:Ամենավեհ , նվիրական գաղափարը սին է, երբ տեսնում ես , որ իշխանության աթոռներին բազմած որոշների պահվածքը՝ իրենց զավակներով:Տեսնում ենք քառակուսի քայլող թուլաների պահվածքը, ժարգոնը, որը իբրև թե՝ հայերեն է:

Ցավում եմ, բայց հուսահատված չեմ, և դիմում եմ անցյալի մեր մեծերի հոգիներին,... ազատություն տվեք հայի ազատատենչ մտածողությանը, ազգային ոգեշնչման ակունքին, արվեստով կերտված երկրիս...