Քլինթոնը վերջին 9 ամիսների ընթացքում անցկացրել է առաջին մամլո ասուլիսը

Դեմոկրատական կուսակցությունից ԱՄՆ նախագահի թեկնածու Հիլարի Քլինթոնը վերջին 9 ամիսների ընթացքում անցկացրել է առաջին մամլո ասուլիսը` նրա հակառակորդ, հանրապետական Դոնալդ Թրամփի հերթական խիստ հայտարարության ֆոնի վրա, հայտնում է RIA Novosti-ն:

«Հարց-պատասխան» ձևաչափով լրագրողների հետ շփումը տեղի է ունեցել Նյու Յորք նահանգի Ուայթ-Փլեինս քաղաքի օդանավակայանում` ԱՄՆ զինված ուժերի զարգացման ֆորումի հաջորդ օրը, որին մասնակցել են Քլինթոնն ու Թրամփը` հանդես գալով առանձին: Հենց հանրապետականին ուղղված քննադատությանն է նվիրված եղել Քլինթոնի մամլո ասուլիսի մեծ մասը:

Մասնավորապես, Քլինթոնը հիշեցրել է Թրամփի այն հայտարարությունը, որ «ԱՄՆ-ի գեներալները վերածվել են ավերակների», ինչպես նաև անդրադարձել է ՌԴ նախագահ Վլադիմիր Պուտինի քաղաքականությանը, որի մասին հանրապետականը ասել է, որ «նա ավելի մեծ առաջնորդ է Ռուսաստանում, քան Օբաման ԱՄՆ-ում»:

«Դա ոչ միայն ոչ հայրենասիրական է և վիրավորական մեր երկրի մարդկանց և մեր գլխավոր հրամանտարության համար: Դա վախեցնող է: Քանի որ դա ենթադրում է, որ նա Պուտինին թույլ կտա անել այն, ինչ նա կցանկանա, և հետո նրան կարդարացնի: Ես պարզապես փորձում եմ պատկերացնել, ինչ կմտածեին այդ մասին բոլոր նախագահները (ԱՄՆ), ովքեր կնայեին մեկը մյուսին զարմանքով: Ի՞նչ կասեր (ԱՄՆ նախկին նախագահ) Ռոնալդ Ռեյգանը հանրապետականի մասին, ով հարձակվում է ամերիկյացի գեներալների վրա և գովում է Ռուսաստանի նախագահին: Ես կարծում եմ, մենք գիտենք պատասխանը»,- ասել է Քլինթոնը: