Գերմանիայի դատախազությունում քննվող գործում հայ զինծառայողի բարեկամն անցնում է որպես կազմակերպիչ

«Ապրիլյան քառօրյա պատերազմում  վիրավորված զինծառայող Ռուբեն Առաքելյանի բարեկամների՝ Գերմանիայում բարձրացրած  աղմուկը  հասկանալի է դառնում, երբ պարզվում է նրանց կողմից ամեն ճանապարհով  գումարներ հավաքելու տենդը»: Այս մասին Shabat.am-ի հետ զրույցում ասաց ABC Global Med կազմակերպության  ներկայացուցիչ՝ Վարդան Խաչատրյանը, ով կազմակերպել էր վիրավոր զինծառայողին Գերմանիա տեղափոխելու հարցերը:

 Անդրադառնալով վերջին շրջանում մամուլում քննարկվող թեմաներին, որի համաձայն իրենց ընկերությունը դիմել է խարդախությունների՝ Խաչատրյանն ասաց.  «Մենք այդ առթիվ հերքում ենք ուղարկել: Մեր բոլոր փաստռաթղթերը ճշտված են, կարող ենք ապացուցել ցանկացած մակարդակով: Իսկ Ռուբենի բարեկամի  նպատակն էր նենգ միջոցներ կիրառելով , շանտաժով , մամուլում մեզ վարկաբեկել՝ հետագա բուժման և զինվորի նուրբ թեման շահարկելով գումարներ հավաքել  մինչև փախստականի կարգավիճակ ստանալը , նվիրատվությունները օգտագործել անձնական նպատակով: Այդ կերպ փորձելով  հակակշռել Բոննի դատախազությունում  քննվող գործին»:

 Գործը կրիմինալ ոստիկանությունից փոխանցվել է Բոննի դատախազություն , որտեղ Հովիկ Թումանյանը անցնում է որպես կազմակերպիչ:   Գերմանիայի դատախազությունը քննում է քրեական գործը՝  խմբակային բռնություն կլինիկայում, Գերմանիայում գործող ձեռնարկությունից ճնշմամբ կանխիկ գումարի պահանջ , մարմնական վնասվածքներ :

 «Ռուբեն Առաքելյանի բարեկամների վարքաբեկիչ գործողությունները որևէ կապ չունեն մեր արածի հետ, իրավիճակից օգտվելով դրամահավաք անելու տենդը, չեն  կարող ազդել մեր ցանկությանը` աջակցելու այլ վիրավորների հետագա բուժման կազմակերպմանը, որը կարելի է նախաձեռնել պաշտպանության և  պաշտպանության նախարարության որոշումներից հետո: Ամեն ինչ կարվի նույն նվիրումով և ջերմությամբ , ինչպես Ռուբենի համար: Մեր ջերմ վերաբերմունքի համար մեզ բուժանձնակազմը հաճախակի շփոթում էր ծնողների հետ»,- եզրափակեց Վարդան Խաչատրյանը: