Բաղրամյան 26-ում գործում են արդեն ավանդույթ դարձած մեթոդներով
Սերժ Կանայանը ֆեյսբուքյան իր էջում գրում է.
Արդեն մի քանի օր է ցուցարարները պահանջում են չեղյալ հայտարարել Հանրային ծառայությունները կարգավորող հանձնաժողովի հունիսի 17-ի որոշումը, ըստ որի 6.93 դրամով բարձրանալու է էլեկտրաէներգիայի սակագինը։
Չնայած սրան, Բաղրամյան 26-ում գործում են արդեն ավանդույթ դարձած մեթոդներով՝ ջրցան մեքենաներ, հատուկ տեխնիկա, կարծես իրենց ապրելու իրավունքի ու գոյության տարրական պայմանների համար ցույց անող մարդիկ ոչ թե Հայաստանի Հանրապետության քաղաքացիներ են , այլ թշնամի երկրի զինված ուժեր:
Միթե մի Բիբին կարող էր թքած ունենալ մի ողջ ժողովրդի վրա, եթե նրա մութ գործարքներում հայկական մատ խառը չլիներ: Պարզից էլ պարզ է, որ դա «օրթախ» գռդոն է, այլապես ռուս պաշտոնյան չէր կարող հաթաթա տալ, թե ողջ Հայաստանը կհոսանքազրկի: ԵՎ սա այն դեպքում, երբ Բիբինի կատարած հանցագործությունները փաստող 4000 էջանոց փաստաթուղթ է ներկայացվել Հանրային ծառայությունները կարգավորող հանձնաժողով:
Ամենից տարօրինակն այն է, որ երկրի գլխավոր դատախազությանը չի էլ հետաքրքրում թե ինչ հիմնավորումներ կան այդ փաստաթղթում եւ ինչպես են ձևակերպել բիբինյան մսխումները: Ամենուր «փայ մտնելու» արատավոր պրակտիկան չի կարող երկարատեւ լինել, որովհետեւ համբերության բաժակներն անհատակ չեն:
Ինչպես նախորդ, այնպես էլ 21-րդ դարում ժողովրդական պոռթկումները վատ վերջաբան են ունեցել իրենց կառավարողների համար:
Իսկ դասեր միշտ արժի քաղել…
1
2
3
4
5
1
3
4
5
1
2
3
5
