Բիձինա Իվանիշվիլին ինձ 5 միլիոն է առաջարկել Վրաստանը լքելու համար. «Ռուսթավի 2»-ի գլխավոր տնօրեն
Միջազգային
Georgia Online-ի փոխանցմամբ՝ «Ռուսթավի 2» հեռուստաընկերության գլխավոր տնօրեն Նիկա Գվարամիան վստահեցնում է, որ նախկին վարչապետ, միլիարդատեր Բիձինա Իվանիշվիլին իրեն առաջարկել է 5 միլիոն (արժույթը չի նշվել), որպեսզի լքի «Ռուսթավի 2»-ը և Վրաստանը:
Գվարամիան այդպես է մեկնաբանել «Պետություն ժողովրդի համար» կուսակցության առաջնորդ Պաատա Բուրչուլաձեի հետ իր խոսակցության ձայնագրության տարածումը համացանցում: Դրանում Գվարամիան մեղադրում է Պետանվտանգության ծառայությանն ու հայտարարում, որ այդ ամենի հետևում կանգնած է եղել Բիձինա Իվանիշվիլին:
Գվարամիան այժմ հայտարարել է, որ քննիչները չեն հարցաքննի Բիձինա Իվանիշվիլիին, քանի որ նրանց հայտնի է, թե ինչպես է նա փորձել իրեն տալ 5 միլիոնի կաշառք:
«Իվանիշվիլին միջնորդի միջոցով պահանջել է, որ ես լքեմ «Ռուսթավի 2»-ը և Վրաստանը: Նա շանտաժի է ենթարկել ինձ՝ օգտագործելով իր ուժը: Այդ ամենը հայտնի է հետաքննությանը»,- հայտարարել է Գվարամիան՝ նշելով, որ չի հավատում հետաքննության օբյեկտիվությանը:
1
2
3
4
5
1
2
3
4
5
2
3
