Դատարանը մերժեց Արամ Մանուկյանին գրավի դիմաց ազատ արձակելը
Քաղաքականություն
Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանն այսօր՝ սեպտեմբերի 15-ին մերժել է «Սասնա ծռեր» զինված խմբի անդամ Արամ Մանուկյանի խափանման միջոցը փոխելու՝ գրավի դիմաց նրան ազատ արձակելու միջնորդությունը: Մանուկյանը կշարունակի մնալ կալանավայրում:
Նրա պաշտպան Հարություն Բաղդասարյանը լրագրողների հետ զրույցում ասաց, որ քննիչը դատարանում ասել է, որ եթե Արամ Մանուկյանը ազատության մեջ հայտնվի՝ կդիմի նոր քայլերի, հորը՝ Պավլիկ Մանուկյանին ազատելու համար:
Հիշեցնենք, որ Արամ Մանուկյանին վիրահատել էին օգոստոսի 30-ին: Արամ Մանուկյանին կատարվել է հատուկ մետաղային հարթակով ոսկրային բեկորների ֆիքսում եւ կոտրվածքի ֆիքսում, իսկ Աշոտ Պետրոսյանին՝ տեղադրվել տիտանային հարթակ, կոտրվածքը ֆիքսվել էր: Արամ Մանուկյանին եւ Աշոտ Պետրոսյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասի 1-ին կետով (Շենքեր, շինություններ, տրանսպորտի, հաղորդակցության կամ կապի միջոցներ, այլ հաղորդակցության ուղիներ զավթելը կամ դրանք պահելը, որը կատարվել է կազմակերպված խմբի կողմից) եւ 235-րդ հոդվածի 3-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որը կատարվել է կազմակերպված խմբի կողմից):
1
2
3
4
5
1
2
3
4
5
2
3
