Խանդոյանն ապացուցեց, որ զինված գործողությունը քաղաքական հեռանկար չունի
Արամ Ալավերդյանը ֆեյսբուքյան իր էջում գրում է՝
Հուլիսյան իրադարձությունների հանգուցալուծումից հետո բոլորի կողմից անսպասելի էր «Սասնա ծռեր» զինված խմբի անդամ Արայիկ Խանդոյանի՝ Արագածոտնի մարզի Ծաղկահովիտ համայնքի ՏԻՄ ընտրություններում ինքնառաջադրումը: Ցանկացած ընտրությունից առաջ քաղաքական ուժերը ձեռք են բերում որոշակի քաղաքական կապիտալ ընտրություններում իրենց օգտին վստահության ձայներ ստանալու նպատակով:
Արայիկ Խանդոյանը, փաստորեն, փորձեց օգտագործել Երևանի ՊՊԾ գնդի գրավման հետևանքով առաջացած որոշակի ճանաչումը՝ այն վերածելով քաղաքական կապիտալի և տեղափոխելով քաղաքական հարթություն:
Սակայն երեկ Ծաղկահովիտում տեղի ունեցած ՏԻՄ ընտրությունների արդյունքներով Արայիկ Խանդոյանը պարտվեց իր անկուսակցական մրցակցին: Այս առումով հարկավոր է ֆիքսել, որ Արայիկ Խանդոյանի՝ քաղաքական կապիտալի կուտակման ու իրացման այս եղանակը մատնվել է ձախողման:
Հ.Գ. Այս իրողությունը գալիս է ապացուցելու, որ հանրության լայն շերտերի կողմից Սասնա ծռերին աջակցություն չցուցաբերելը (հաշվի առնելով այն հանգամանքը, որ ցույցերին մասնակցում են առավելագույնը 200 մարդ) պատահական չէ, և այն իրականում կրում է օրինաչափ բնույթ: Արայիկ Խանդոյանի պարտությունը ՏԻՄ ընտրություններում ևս մեկ անգամ ապացուցեց, որ հուլիսի 17-ի դեպքերը պարզապես անընդունելի էին հասարակության կողմից և այդ ճանապարհով հերոսանալը հուսալի քաղաքական կապիտալ չի կարող դառնալ:
1
2
3
4
5
1
2
3
4
1
2
3
5
