Բոլորն էլ ինչ-որ ժամանակ ազատ են արձակվելու. Գալուստ Սահակյանը՝ համաներման մասին
Քաղաքականություն
Ազգային ժողովի նախագահ Գալուստ Սահակյանը պնդում է, որ ինքը համաներման քննարկման չի մասնակցել: Այսօր՝ սեպտեմբերի 21-ին, «Եռաբլուր» զինվորական պանթեոնում լրագրողները ԱԺ նախագահից հետաքրքրվեցին, թե ինչու համաներում տեղի չունեցավ, հիշեցնելով, որ ընդդիմադիրները պնդում են, որ անկախության համար պայքարողներն այսօր անազատության մեջ են:
«Դե ընդդիմադիրներ են, մի բան պիտի խոսեն։ Նրանք էլ են քաղաքականության մեջ։ Դրա համար էլ ընդդիմախոս են, որ մեզ քննադատեն, բայց որքան է ճիշտ, եւ որքան է ամեն ինչ ճշտությամբ ներկայացվում, հիմա կամ ժամանակի ընթացքում կպարզվի: Բոլորն էլ ինչ-որ ժամանակ ազատ են արձակվելու, գնահատականը ես պետք է չտամ, այլ ժամանակը»,- ասաց Գալուստ Սահակյանը:
Նշենք, որ մամուլը մի քանի շաբաթ գրում էր, որ անկախության 25-րդ տարեդարձին ընդառաջ Հանրապետությունում սպասվում է համաներում:
1
2
3
4
5
1
2
3
4
5
2
3
