Իսկանդարյան. Ադրբեջանական լոբբիին չհաջողվեց կանխել ՌԴ կողմից Հայաստանին «Իսկանդերի» վաճառքը
Header
Ադրբեջանական լոբբին, բնականաբար, Մոսկվայում աշխատում է Ռուսաստանի կողմից Հայաստանին «Իսկանդերի» վաճառքը կանխելու համար, բայց դա նրանց չի հաջողվում: Այս մասին սեպտեմբերի 22-ին մամուլի ասուլիսին հայտարարել է «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը:
Նրա խոսքով՝ բնական է, որ դա Ադրբեջանին դուր չի գալիս: «Չգիտեմ՝ կփորձի՞ Ադրբեջանը հասնել «Իսկանդեր» ձեռք բերելուն, քանի որ այստեղ գոյություն ունի փոխազդեցության չափազանց բարդ գործընթաց. ի տարբերություն մեզ՝ մինչ օրս Ադրբեջանը զենք է գնել փողով եւ վճարել է կանխիկով, մեզ մոտ ամեն ինչ այլ է: Ադրբեջանն այժմ լուրջ ֆինանսական դժվարություններ է կրում, եւ եթե հավատանք տնտեսագետներին, այդ դժվարությունները խորանում են»,- նշել է Իսկանդարյանը:
Քաղաքագետն ընդգծում է, որ «Իսկանդեր» համալիրները կրակելու համար չեն, այլ զսպելու: «Համալիրների առկայությունն ինքնին իրավիճակը փոխում է, եթե նույնիսկ հակառակորդը նույնպես «Իսկանդեր» ունի: Այս հարցում պարիտետի մասին խոսելը գրագետ չէ: Մեր եւ Ադրբեջանի խնդիրները բացարձակապես տարբեր են, երկու կողմերը բացարձակապես տարբեր աշխարհագրական դիրքեր ունեն: Հայաստանն ու Ղարաբաղը Բաքուն նվաճելու նպատակ չունեն»,- ասել է Ալեքսանդր Իսկանդարյանը՝ հավելելով, որ Ադրբեջանում մեծ տեղ է տրվում ռեւանշիզմին: «Մեզ համար հաղթանակը նշանակում է անկոտրում մնալ, մենք արդեն հաղթել ենք պատերազմը, դա է երկու կողմերի միջեւ եղած հսկայական տարբերությունը: Հետեւաբար՝ մեր խնդիրները բոլովին տարբեր են»,- եզրափակել է քաղաքագետը:
1
2
3
4
5
1
3
4
5
1
2
3
4
5
