Ադրբեջանական պաշտոնյայի դեպրեսիվ պոռթկումները
Կարեն Մկոյանը ֆեյսբուքյան իր էջում գրում է.
Ադրբեջանցի քաղաքական գործիչ Մոլլազադեն պնդում է, որ իբր Ադրբեջանի դեմ գաղափարախոսական պատերազմ է մղում... Գերմանիան։ Եվ դրա սկիզբը դրվել է դեռևս այն ժամանակ, երբ Բաքվում անցկացվում էր Եվրատեսիլը։ Այժմ էլ տեսնելով, որ Ադրբեջանում հաջողությամբ տեղի են ունենում Եվրախաղերը, Գերմանիայի այն ուժերը, որոնք չեն ցանկանում նկատել անկախ Ադրբեջանի հաջողությունները, նյարդայնանում և վատաբանում են սույն երկիրը։
Նրանք, իհարկե, միայնակ չէին կարողանա այդ աստիճան վատաբանել՝ եթե կապված չլինեին հայկական սփյուռքի կազմակերպությունների, արդյունաբերական խմբերի հետ, որոնք անհանգստացած են, որ Ադրբեջանն այդքան կարևոր դեր է խաղում Եվրոպայի էներգետիկ անվտանգության ապահովման գործում։
Մոլլազադեն հիշեցնում է, որ վերջերս Երևանում Մինսկի խմբի ֆրանսիացի նախկին համանախագահ Ժակ Ֆորը հայտարարել է, որ իրենք Ադրբեջանի վրա ճնշում գործադրելու մեթոդ չունեն։
Պատգամավորի վրդովմունքը գագաթնակետին է հասել և նա այնքան է ձայնը բարձրացրել, որ ամբողջ Եվրոպայում լսելի լինի՝«Ի՛նչ է, դուք Ադրբեջանի վրա՞ էիք ճնշում գործադրելու։ Ոչ թե Ադրբեջանն է բռնազավթել Հայաստանի տարածքը, այլ հակառակը»։ Բայց խեղճ Մոլլազադեի ցասումը սրանով չի հանդարտվում։ Նա հիշում է, որ եվրոպացիների մեղադրանքը մարդու իրավունքների և ժողովրդավարության ոլորտից է և իսկույն մատնացույց է անում Երևանը.
«Երեկ Հայաստանում հանրահավաքը ցրելու ժամանակ ծեծվել և ձերբակալվել են լրագրողներ, բայց Ադրբեջանի դեմ սանձազերծված գաղափարախոսական պատերազմի մասնակիցներից և ոչ մեկը իր բողոքը չի հայտնել»,- փրփուրը բերանին դժգոհում է պատգամավոր- քաղաքագետը, որը, պարզվում է, նաև «գործ տվող է»։
Ահա այսպիսի բաներ է խոսել ադրբեջանցի Մոլլազադեն։
1
2
3
4
5
1
3
4
5
1
2
3
5
