Պարզվում է կամ Freedom House միջազգային իրավապաշտպան կազմակերպությունը ունի <աչքով տալու> հատկություն

Սանասար Կարապետյանը ֆեյսբուքյան իր էջում գրում է. 

Պարզվում է կամ Freedom House միջազգային իրավապաշտպան կազմակերպությունը ունի <աչքով տալու> հատկություն, կամ Հայաստանի քաղաքական անփառունակ ղեկավարությունը ուղղակի որոշել է ժողովրդավարական ազատությունների վիճակով ետ չմնալ հարևան Ադրբեջանից:

Նույն կազմակերպության «Ազատությունն աշխարհում 2015» ամենամյա զեկույցը, որում ամփոփված է ժողովրդավարական ազատությունների վիճակը աշխարհի 195 երկրներում և 15 տարածքներում, Հայաստանը «Քաղաքական իրավունքների» և «Քաղաքացիական ազատությունների» ինդեքսներով ստացել է համապատասխանաբար 5 և 4 միավորներ, որոնց միասնական (միջին) ինդեքսը կազմել է 4.5 միավոր: Նշենք, որ միավորների սանդղակը 1-7 է, որտեղ 1-ը ժողովրդավարության առավելագույն մակարդակն է, իսկ 7-ը` վերջինիս բացակայությունը:Այսպիսով, ինչպես և նախորդ տարի, Հայաստանը այս տարի ևս դասակարգված է «մասամբ ազատ» երկրների շարքում:

Զեկույցի համաձայն` ժողովրդավարության առումով հետընթաց են արձանագրել հատկապես Ադրբեջանը և Թուրքիան: «Անազատ» կատեգորիայում հայտնված Ադրբեջանի պարագայում փորձագետները մատնացույց են արել այդ երկրում ավտոկրատական կառավարման մեթոդների ուժգնացումը` Իլհամ Ալիևին բնորոշելով, որպես «վատագույն ավտոկրատներից հետ չմնացող»:

Երևի հաշվի առնելով հարևան երկրի <բարձր> ցուցանիշները , մեր տխրահռչակ իշխանությունները որոշել են ուղղակի պատռել դիմակները և ոչ մի գնով հետ չմնալ «վատագույն ավտոկրատներից »:Դէ սովորաբար մախաթը պարկի մեջ երկար չես կարող թաքցնել: