Հայուհիների հիմնական սխալները ՝ մարզասրահ այցելելիս (լուսանկարներ)

Wnews.am-ը գրում է . 

Մարզված, սլացիկ եւ սպորտային կազմվածք ունենալը մեր օրերում այդքան էլ բարդ չէ. վերջին շրջանում հայուհիներն էլ ավելի մեծ ուշադրություն են դարձնում իրենց արտաքինին, այցելում են մարզասրահներ, գեղեցկության սրահներ, սպա կենտրոններ։
Բոլոր այս ծառայություններն իրենց գնային քաղաքականությամբ շատերին են հասանելի. հաճախորդին մնում է միայն ճիշտ ընտրություն կատարել։
Մայրաքաղաքում օրեցօր նոր մարզասրահներ են բացվում, որոնցից շատերը նախատեսված են միայն կանանց համար։
Արդեն երկու տարի է՝ Երվանդ Քոչարի 9 հասցեում գործում է «Lady Fitness» կանացի պրոֆեսիոնալ մարզասրահը, որը, Wnews.am-ի դիտարկմամբ ունի մի քանի առավելություն.
Այն գտնվում է մայրաքաղաքի կենտրոնում, բավականին ընդարձակ է, հագեցած է նորագույն մարզասարքերով, մարզասրահում աշխատում են բարեհամբույր եւ պրոֆեսիոնալ մարզիչներ, ովքեր այցելուներին ուղղորդում են ճիշտ մարզել իրենց մկանները։
Lady Fitness-ում գործում է 12 վազքուղի, իսկ բոլոր մարզասարքերը, որոնք luxe դասի են եւ ներմուծվում են Իտալիայից, գտնվում են իդեալական աշխատանքային վիճակում։

Մարզիչներ Թամարան եւ Ինան բուժական ուղղվածությամբ վերապատրաստում են անցել, ուստի որոշակի հիվանդություններ ունեցող այցելուներին կարող են ճիշտ ուղղորդել, որպեսզի մարզումներն ունենան բուժական ազդեցություն եւ չվնասեն առողջությանը։

Wnews.am-ի հետ զրույցում մարզասրահի մարզիչ Ինան նշեց, որ հաճախ հայ աղջիկները մարզասրահ են այցելում հոգնած եւ քաղցած վիճակում, որի արդյունքում ուշագնաց են լինում։
«Շատերը չեն գիտակցում, որ մարզասրահ այցելելուց չպետք է քաղցած լինեն՝ անկախ նրանից ցանկանում են նիհարել, թե ոչ։ Ինչ վերաբերում է սննդակարգին, ցանկալի է մարզասրահ այցելելուց առաջ օգտագործել ածխաջրեր, իսկ մարզումներից հետո, սպիտակուցային սնունդ, որպեսզի մկանները սնունցվեն»,- ասաց նա։

Ներկայացնում ենք մարզասրահի մարզչի խորհուրդները.

1. Մի փաթաթվեք պոլիէթիլենային թաղանթներով և մարզվեք. Ձեր մաշկը և մազանոթները կվնասվեն և դուք դրանից ոչ մի օգուտ չեք ստանա երբեք։
2. Սոված և ծարավ վիճակում մարզասրահ մի այցելեք. Հիմնականում սոված և ծարավ վիճակում մարզասրահ այցելողները ուշագնաց են լինում և մարզասրահից հեռանում են շտապօգնության մեքենայով։
3. Շատ հույս մի դրեք նիհարեցնող թեյերի և պրեպարատների վրա, ավելի շատ հույս դրեք ճիշտ սնվելու և ճիշտ մարզվելու վրա և հավատացեք արդյունքն ավելի մեծ կլինի։
3. Մի կապեք նիհարեցնող կախարդական գոտիներ կամ ձեռնաշղթաներ. Հավատացեք այդ ամենը ընդամենը կախարդական է ինչպես հեքիաթներում և բացառապես  ոչ էֆեկտիվ։
4. Հույս մի դրեք մերսումների վրա, մերսումները օգնում են իհարկե, բայց մարզվելը և ճիշտ սնվելը 100 անգամ ավելի էֆեկտիվ է։
5. Մի փորձեք նիհարել միայն քաղցած մնալով։
Միայն սոված մնալով իհարկե նիհարելու եք, բայց չեք գեղեցկանալու և կազմվածքը երբեք սպորտային չի դառնալու։
6. Մի փորձեք մեկ ամիս մարզվել և հաջորդ ամիս դադարեցնել մարզումները։ Ոչ մի դեպքում բաց մի թողեք և մի դադարեցրեք մարզումները։ Իրական լավ արդյունքի հասնելու համար անհրաժեշտ է ինտենսիվ մարզվել և սիրել սպորտը։ Յուրաքանչյուր մարզվող ի՛նքն է իր լավագույն մարզիչը։ Կարդացեք շատ գրքեր, ուսումնասիրեք շատ ուսումնական տեսանյութեր և շատ խորհրդակցեք պրոֆեսիոնալների հետ։
Ահա այդպես դուք ճիշտ կմարզվեք և ճիշտ կսնվեք և կստանաք լավագույն արդյունքը։
7. Մի կերեք բարձր կալորիականություն պարունակող սննդամթերք։
8. Մի կերեք տապակած սննդամթերք. տապակաները վատացնում են նյութափոխանակությունը։
9. Մարզասրահում մի ծուլացեք զբաղվելով ինտերնետով և խաղալով հեռախոսի հետ։ Ինտենսիվ մարզվեք։
10. Աշխարհից կտրված մի եղեք. եթե մարզասրահում կա հաջողակ և լավ արդյունքի հասած մարզվող շատ շփվեք նրա հետ և ուսումնասիրեք նրա մարզումները, սննդակարգը։ Հաջողակ լինելու համար անհրաժեշտ է խորապես ուսումնասիրել հաջողակ մարդկանց թե’ ձեր շրջապատում և թե’ ամբողջ աշխարհում։

Նշենք, որ մարզասրահի աբոնեմենտն արժե 10000 դրամ եւ տալիս է 12 այցելության հնարավորություն, որը կարող եք սպառել 45 օրում։
Օրավարձով մարզումների արժեքը 1000 դրամ է՝ անսահմանափակ մարզվելու հնարավորությամբ։
Մարզասրահը բաց է ամեն օր՝ 10:00-ից եւ 22:00-ն, կիրակի օրերին՝ 12:00-20:00-ը։