ԵՄ երկրները ու ԱՄՆ-ն Սիրիայում գործող խմբավորումներին կոչ են արել չհամագործակցել «ան Նուսրայի» հետ
Header
ԵՄ երկրների արտգործնախարարները,նաեւ ԵՄ դիվանագիտության ղեկավար Ֆեդերիկա Մոգերինին ու ԱՄՆ պետքարտուղար Ջոն Քերրին Սիրիայի բոլոր խմբավորումներին կոչ են արել դադարեցնել համագործակցությունը «Ջեբհաթ ան Նուսրայի» հետ: Այս մասին նրանք հայտնել են ՄԱԿ ԳՎ շրջանակում կայացած հանդիպման արդյունքներով, փոխանցում է «ՌԻԱ Նովոստին»:
Տվյալ հանդիպմանը մասնակցել է ԱՄՆ պետքարտուղար Ջոն Քերրին, ԵՄ արտաքին գործերով ու քաղաքականության հարցերով գերագույն ներկայացուցիչ Ֆեդերիկա Մոգերինին, Մեծ Բրիտանիայի, Ֆրանսիայի, Գերմանիայի ու Իտալիայի արտգործնախարարները:
«Մենք հաստատում ենք մեր ընդհանոր տեսակետը, որ «Ջեբհաթ ան Նուսրան»՝ Սիրիայում «Ալ Կաիդայի» թեւը, ահաբեկչական կազմակերպություն է ու ամբողջ համաշխարհային համայնքի թշնամին: «Ջեբհաթ ան Նուսրան» մերժում է քաղաքական անցումը ու Սիրիայի ինկլյուզիվ ժողովրդավարական ապագան, մենք Սիրիայում մարտնչող բոլոր զինված խմբավորումներին կոչ ենք անում դադարեցնել նրա հետ համագործակցությունը»,- նշված է գերատեսչությունների ղեկավարների հայտարարության մեջ, որը տարածել է պետդեպարտամենտը:
Բացի դրանից դիվանագետները նորից հայտնել են, որ ՌԴ-ն պետք է ազդի սիրիական կառավարության վրա ու ապահովի հումանիտար օգնության հասանելիությունը դրա կարիքը ունեցող շրջանների համար, անվանելով դա խաղաղ բանակցություններին վերադառնալու պարտադիր պայման: Կողմերը նաեւ ՄԱԿ ԱԽ-ին կոչ են արել անհապաղ քայլեր ձեռնարկել Սիրիայում հակամարտության կարգավորման ուղղությամբ:
Արտաքին գերատեսչությունների ղեկավարները նաեւ նշել են Սիրիայում քիմիական զենքի կիրառման անթույլատրելիությունը ու խոստացել աջակցություն ՄԱԿ-ի ջանքերին՝ տվյալ միջադեպերի հետաքննման հարցում:
1
2
3
4
5
1
2
3
4
5
1
2
3
4
5
