Պետք է տեսնել նաև մեդալի հակառակ կողմը
Արմեն Վարդանյանը ֆեյսբուքյան իր էջում գրում է .
Ինչպես միջազգային հանրությունը, այնպես էլ Սփյուռքի հայ համայնքը, արդեն մի քանի օր է, ինչ ուշի ուշով հետևում են մեր երկրում` էլեկտրաէներգիայի սակագնի բարձրացման դեմ տեղի ունեցող քաղաքացիական պայքարին:
Այս առիթով համերաշխության կոչեր են հնչել ինչպես ԱՄՆ Գլենդել քաղաքի, այնպես էլ Վրաստանի հայ համայնքների կողմից: Գլենդելում և Վաշինգտոնում, երեկ, բողոքի ակցիաներ են կազմակերպվել հայկական հյուպատոսարանի առջև: Նմանատիպ մի ակցիա սպասվում է նաև այսօր, Վրաստանի մետրոպոլիտենի Մարջանիշվիլի կայարանի մոտ, հայկական դեսպանատան առջև:
Հարկ է նշել, որ բողոքի բազմամարդ ցույցեր են տեղի ունեցել նաև Եվրոպայի հայաշատ վայրերում, այդ թվում` Ստրասբուրգում, Գերմանիայի ու Ֆրանսիայի մի շարք քաղաքներում:
Անդրադառնալով հնչած կոչերին և հորդորներին պետք է փաստել, որ երևույթը միանգամայն բնական է, քանի որ Սփյուռքի հայ համայնքն այս կերպ իր մտահոգությունն է հայտնում մեր երկրում տեղի ունեցող իրադարձությունների վերաբերյալ: Սակայն պետք է նկատել, որ այս երևույթը կարող է ունենալ (եթե արդեն իսկ չի ունեցել) նաև իր բացասական ազդեցությունը:
Վատ չէ, որ Սփյուռքը ցանկանում է հայաստանյան իրադարձությունների մասնակից լինել, սակայն այս պարագայում այլ հարցեր են առաջանում. միգուցե ճիշտ կլիներ, եթե սփյուռքն իր ուժերն ու հնարավորությունները կենտրոնացներ հայ ժողովրդին վերաբերղ այնպիսի խնդիրների բարձրաձայնմանը, ինչպիսին ԼՂ հիմնախնդրի խաղաղ կարգավորումն է, Ադրբեջանին սպառազինությւոնների մատակարարումը.. գլոբալ խնդիրները շատ են և փառք Աստծո հայաստանյան հասարակությունը կարողանում է իր ձայնը բարձրացնել:
1
2
3
4
5
1
3
4
5
1
2
3
5
