Արթուր Աբրահամ. «Երազում եմ 3 որդի ունենալ»

Սեպտեմբերի 25-ին լույս աշխարհ է եկել Գրիգոր Ավետիքի Աբրահամյանը` WBO վարկածով աշխարհի չեմպիոն Արթուր Աբրահամի (Ավետիք Գրիգորի Աբրահամյան) որդին: Հայր դառնալուց հետո Արթուր Աբրահամը հարցազրույց է տվել BlogNews-ին և պատմել նորածին որդու, իր զգացողությունների և ընտանիքի մասին: Քչախոս Արթուրը զրույցի ընթացքում քանիցս նշեց, որ շատ երջանիկ է, կինն ու որդին իրենց շատ լավ են զգում։

- Արթուր, ի՞նչ փոխվեց այն պահից, երբ իմացաք, որ հայր եք դառնալու։

-Մեծ ուրախություն ապրեցի և սկսեցի սպասել երեխայի լույս աշխարհ գալուն:

- Ի՞նչ զգացիք, երբ առաջին անգամ գրկեցիք Ձեր փոքրիկին։

- Աննկարագրելի երջանկություն է հայր լինելը:

- Ըստ Ձեզ՝ ո՞ւմ է նման փոքրիկը։

-Ինձ է նման` մուգ աչք-ունքով, մազերի գույնով:

-Երեխայի դաստիարակության հարցում որո՞նք են կարևոր սկզբունքները, որառաջնորդելու են Ձեզ։

-Երեխան պետք է հայրենասեր լինի, սիրի ընտանիքը, հարգալից լինի, ազնիվ, աշխատասեր, ուժեղ լինի, օգնի և պաշտպանի թույլերին…

- Դուք շատ էիք ցանկանում, որ Ձեր առաջնեկը տղա լինի։ Ինչո՞ւ, հայկական ավանդականցանկությու՞ւն է, թե՞ այլ առիթ ունեիք:

-Այլ առիթ չկա, պարզապես ուզում էի տղա ունենալ: Աղջիկ, թե տղա, բոլոր երեխաներն էլ սիրելի են, սակայն երազում եմ 3 որդի ունենալ: Այնպես որ, երեք որդով հաստատ սեղան կնստեմ և գուցե ավելին:)

- Փոքրիկի համար գնումներին մասնակցե՞լ եք, թե այդ ամենը վստահել եք նրա մայրիկին։

-Գնումներն արել ենք ամբողջ ընտանիքով:

- Հետագայում Գրիգորին տեսնո՞ւմ եք՝ որպես Ձեր մասնագիտաման ուղին շարունակող։

-Նա ինքը պետք է որոշի իր ապագա մասնագիտությունը, ես միայն կարող եմ օգնել, խորհուրդներ տալ:

- Ձեր որդին լույս աշխարհ եկավ Գերմանիայում։ Ինչո՞վ էր պայմանավորված Ձերորոշումը, որ նա Գերմանիայում ծնվի։

-Ես ապրում եմ Գերմանիայում, այստեղ եմ մարզվում, ահա թե ինչու որդիս այստեղ լույս աշխարհ եկավ:

-Ե՞րբ եք նախատեսում կրկին գալ Հայաստան։

-Առայժմ չգիտեմ, սակայն ընտանիքիս հետ անպայման գալու եմ Հայաստան։

-Արթուր, տևական ժամանակ է՝ ամուսնացած եք։ Ի՞նչ փոխվեց Ձեր կյանքումամուսնությունից հետո։

-Ընտանիք, երեխա ունենալը լիակատար երջանկություն է:

-Սովորաբար, մի տանիքի տակ ապրելիս նորովի են բացահայտում կողակցին։ Դուք ի՞նչբացահայտումներ եք արել Մերիի մեջ։

-Մենք անընդհատ լավ կողմեր ենք բացահայտում միմյանց մեջ:

- Այս շրջանում Ձեր ուշադրությունն ավելացե՞լ է Ձեր կնոջ հանդեպ։ Ինչպիսի՞ ամուսին էԱրթուր Աբրահամը։

-Անշուշտ, ուշադիր եմ, բայց կդժվարանամ ինքս ինձ բնութագրել: