ՀԱՅԱՍՏԱՆՈւՄ ՄԱՅԴԱՆ ՉԿԱ
Blog
Վահագն Սարոյանը ֆեյսբուքյան իր էջում գրում է.
Ռուսական լրատվամիջոցներում «Ոչ թալանին» քաղաքացիական նախաձեռնության կողմից կազմակերպված հոսանքի թանկացման դեմ բողոքի վերաբերյալ անդրադարձերում բազմիցս հանդիպում ենք «Մայդան» որակումը կամ զուգահեռներ «Մայդանի» հետ:
Ուրեմն, ի գիտություն նման կերպ դիտարկողներին՝ ՀԱՅԱՍՏԱՆՈւՄ ՄԱՅԴԱՆ ՉԿԱ:
Ուկրաինական «Մայդանի» ու դրա հետևանքների մասին չարժի ծավալվել բոլորին է հայտնի, թե ինչ եղավ ու ինչ է կատարվում այսօր, ու ինչ հետևանքներ կունենա հետագայում:
Մենք հին ազգ ենք, բազմադարյա քաղաքակրթությամբ, մենք սիրում ենք մեր հողը, մեր երկիրը, մեր պետությունը: Եթե այստեղ քաղաքացիական ակտիվություն է ցուցաբերվում սոցիալական պահանջով, դա չի նշանակում, որ պետք է զուգահեռներ անցկացվի «Մայդան-մույդունների» հետ:
Դրսի աչքով եթե դիտարկում ենք, թե ինչ կերպ է տեղի ունենում բողոքի ակցիան, ինչ վարք են դրսևորում թե՛ ցուցարարները, թե՛ ոստիկանները, ինչպիսի մասնակցություն ու քաղաքական սոլիդարություն է դրսևորվում, ապա կարելի է միանգամից հրաժարվել անթույլատրելի զուգահեռներից և որակումներից:
Այն իրադարձությունը, որ կատարվում է այսօր մեր մոտ ժողովրդավարական փայլուն դրսևորում է, որը պետք է օրինակ լինի նաև դեմոկրատիա բառը բարձր բացականչողների համար, ինչու չէ նաև հարևանների ու նույն «Մայդենների» համար:
1
2
3
4
5
3
4
5
1
2
3
4
5
