ԿԲ. Գնաճային բարձիկը կօգնի Հայաստանի արտահանմանը Ռուսաստանում

Ռուսասատնում գնաճը բարձր էր, Հակաստանում՝ ցածր, ինչը հետագայում էլ կօգնի Հայաստանի արտահանման մրցունակությանը Ռուսաստանում: Այս մասին սեպտեմբերի 30-ին Կենտրոնական բանկում կայացած մամուլի ասուլիսին ի պատասխան NEWS.am-ի թղթակցի հարցին՝ ասել է ԿԲ դրամավարկային վարչության պետ Վահան Գրիգորյանը:

Համաձայն ԿԲ-ի դրամավարկային քաղաքականության՝ հայկական ապրանքների արտահանմանը Ռուսաստան խոչընդոտում է ռուբլու փոխարժեքի կտրուկ անկումը (մինչդեռ հայկական դրամի անկումը շատ ավելի համեստ էր): Սակայն որոշ չափով սրան հակազդել է Ռուսաստանում ցածր գնաճը, մինչդեռ Հայաստանում այն ցածր էր, իսկ 2016-ին դարձել բացասական: Այլ կերպ ասած՝ ռուսական ապրանքը թանկանում է, հայկականը՝ ոչ:

2015 թ. Ռուսաստանում գնաճը (դեկտեմբերը նախորդ դեկտեմբերին) կազմել է 12,9%, իսկ Հայաստանում՝ մինուս 0,1%: 2016 թվականի առաջին 8 ամիսներին Ռուսաստանում գներ աճել են մոտ 3,9%, իսկ Հայաստանում 12-ամսյա գնանկումը կազմել է 1,9%:

Սակայն 2017 թ Ռուսաստանի ԿԲ-ն ուզում է գնաճը հասցնել մինչև 4%, իսկ Հայաստանը՝ այն վերադարձնել 4 +/- 1,5% նպատակային միջանցք:

Այն հարցին, թե արդյոք սա կարող է կրճատել պահանջարկը հայկական ապրանքների նկատմամբ (եթե ռուսական ապրանքներն էժանանան, իսկ հայկականները՝ սկսեն թանկանալ), Գրիգորյանը նշեց, որ գնաճների կուտակված էֆեկտը (Ռուսաստանում գնաճն աճում էր 2014-ից) ստեղծում է բավարար բարձիկ, որը թույլ է տալիս թույլ է տալիս պահպանել այկական ապրանքի երկարաժամկետ մրցունակությունը: