Որոշ լրատվամիջոցներից հայտնի է դառնում, որ անցած շաբաթվա վերջին ՀԷՑ-ի գլխավոր տնօրեն Եվգենի Բիբինը մեկնել է Մոսկվա
Սանասար Կարապետյանը ֆեյսբուքյան իր էջում գրում է.
Որոշ լրատվամիջոցներից հայտնի է դառնում, որ անցած շաբաթվա վերջին ՀԷՑ-ի գլխավոր տնօրեն Եվգենի Բիբինը մեկնել է Մոսկվա:Կան նաև տեղեկություններ, որ որ նրա հետ շատ լուրջ խոսակցություն է տեղի ունեցել «ԻՆՏԵՌ ՌԱՕ ԵԷՍ»-ի տնօրենների խորհրդում:
Նույն «ԻՆՏԵՌ ՌԱՕ ԵԷՍ»-ի տնօրենների խորհրդի նիստում, որը տևել է մի քանի ժամ, Բիբինից պահանջել են համակողմանի և ամփոփ հաշվետվություն կատարված աշխատանքների և ծախսերի վերաբերյալ:Որոշ աղբյուրներից էլ պարզվում է, որ «ՌԱՕ ԵԷՍ»-ի տնօրենների խորհուրդը այդհաշվետվությունը պահանջել է ՌԴ կառավարության պարտադրանքով, իսկ վարչապետ Մեդվեդևը անհանդուրժելի է համարել մեծաքանակ վարկերի աննպատակային ձևակերպումները, կառավարման ոլորտում տեղ գտած թերությունները ևհանձնարարություն է տվել ՌԴ գլխավոր դատախազությանը՝ նյութեր պատրաստել Եվգենի Բիբինի նկատմամբ քրեական գործի հարուցման համար:
Ստացվում է այնպես, որ Մոսկվայում համոզված են թույլ տրված չարաշահումների հարցում և պատրաստվում են քրեական գործ հարուցել այն ժամանակ, երբ Հայաստանում դա ակնհայտ ներկայացված էր ՀԷՑ-ի ՀԾԿՀ-ին ուղղված հայտում և դրա կապակցությամբ ոչ մի <ծպտուն> չլսվեց ոչ համապատասխան հանձնաժողովի , ոչ էլ այլ բարձրաստիճան պետական պաշտոնիայի կողմից: Իրողությունըւ իրոք արդարացիորեն ընդունելի և ոգևորող է թե այն հանգամանքով, որ մեծ է հավանականությունը, որ հենց ՌԴ-ի կողմից սակագնի բարձրացման հարցը վերանայվի և չբարձրացվի, և թե այն մասով, որ վերջապես ջրի երես դուրս կգան չարաշահումների բոլոր կողմերը:
Բայց չնայած կարգավորման հեռանկարին, կա էլի մի բայց, այն, որ ինչքա՞ն է ՀՀ իշխանությունները երկրի ինքնիշխանությունը զիջել մեկ այլ պետության ու կարևոր էլ չէ , թե որն է այդ <մեկ այլ> -ը, որ հանրության իրավացի բողոքի ձայնը համարժեք արձագանք է գտնում ոչ մեր երկրում, տվյալ դեպքում ՌԴ-ում :
Իսկ այս դեպքում Նազարյանները միգուցե էլի շարունակեն հիմնավորել՞ թանկացման այլընտրանքի բացակայության թեզը: Հազիվ թե....
1
2
3
4
5
1
3
4
5
1
2
3
5
