«Հրապարակ». Ռուսաստանը ՀՀ սահմանադրական բարեփոխումներ անել–չանելու խնդիրը թողել է Հայաստանին
«Հրապարակ» օրաթերթը գրում է.
«Մեր տեղեկություններով, Ռուսաստանը, որը մինչ այս վերջնական «ադաբրյամս» չէր տվել ՀՀ սահմանադրական բարեփոխումներին՝ հաշվի առնելով ԵԱՏՄ ակումբում բացառապես նախագահական կառավարման կարևորությունը, վերջին օրերին խնդիրը թողել է Հայաստանին: «Չնայած վերջին օրերի զարգացումները մեծ հարցականի տակ դրեցին այդ փոփոխությունների հնարավորությունը»,- արձանագրեց մեր զրուցակից՝ անվտանգության նախկին բարձրաստիճան պաշտոնյան:
Օրվա ընթացքում վերջինիս էին զանգահարում ՀՀ-ում հավատարմագրված տարբեր դեսպաններ, որոնք փորձում են հասկանալ թե Սահմանադրության, թե սակագնի, թե վերջին միտինգներում տեղի ունեցածի առնչությամբ ՀՀ իշխանությունների դիրքորոշումը. «Իսկ մեր ԱԳ-ն ձկան նման լուռ է, բանն այն է, որ իրենց երկրներին ուղարկվող զեկույցներին սույն դեսպանները պետք է կցեն նաև հայաստանյան պաշտոնական տեսակետը ևս, որը գոնե 2 օր է, չկա»: Սա նշանակում է, որ դեսպանատներն ու նրանց հետևում կանգնած երկրները փորձում են հասկանալ, թե ինչ մոտեցում դրսևորեն Հայաստանում վերջին օրերին ստեղծված վիճակի նկատմամբ»,–գրում է թերթը։
1
2
3
4
5
1
2
3
4
5
1
2
3
5
