8 խորհուրդ, որոնք կարող են փրկել Ձեր կյանքը

Մի օգտվեք բջջային հեռախոսից քայլելու ժամանակ

Միաժամանակ քայլելն ու սմարթֆոնից օգտվելը չափազանց մեծ ծանրաբեռնվածություն է Ձեր ուղեղի համար, որը շատ հաճախ Ձեր ուղեղի հնարավորություններից վեր է։ Այսպես քայլելով՝ Դուք շատ հաճապ չեք նկատում այն բաները, որոնք պետք է նկատել. դա կարող է շատ վտանգավոր լինել կյանքի համար՝ հատկապես փողոց անցնելիս և զբաղված մայթով քայլելիս։

Ճիշտ կարգավորեք մեքենայի կողային հայելիները

Կարգավորեք մեքենայի կողային հայլիներն այնպես, որ հազիվ թե կարողանաք տեսնել Ձեր մեքենայի կողքերը։ Այդ եղանակով Դուք կարող եք ավելի լավ տեսադաշտ ապահովել ինքներդ Ձեզ համար։ Կողային հայելիներով Դուք պետք է կարողանաք տեսնել Ձեր ետևից շարժվող բոլոր ավտոմեքենաները։ Լավագույն կարգավորման համար նստեք վարորդի նստատեղում և միայն այդ ժամանակ կարգավորեք հայելիները։

Մի փչեք փրկարար բաճկոնը ինքնաթիռից իջնելուց առաջ

Մասնագետները բացատրում են, որ ինքնաթիռի մեջ փրկարար բաճկոնը փչելը միայն կբարդացնի ինքնաթիռից դուրս գալու գործընթացը։ Այդ իսկ պատճառով պետք է ամեն կերպ դուրս գալ ինքնաթիռից և նոր փչել բաճկոնը։

Մշտապես Ձեզ հետ ունեցեք հակաալերգիկ դեղահաբեր

Դուք երբեք չեք կարող հասկանալ, թե երբ Ձեզ մոտ ալերգիկ գործընթաց կսկսվի։ Մշտապես Ձեզ հետ ունեցեք այդ հաբերը՝ հատկապես երկար ճանապարհորդության կամ արշավի գնալիս։

Մարդու օրգանիզմի հնարավորությունները սահմանափակ են

Մարդը կարող է 3 րոպե ապրել առանց օդի, 3 օր՝ առանց ջրի և 3 շաբաթ՝ առանց ուտելիքի։ Մշտապես հիշեք այս թվերը։

Երբեք մի հեռացրեք սուր գործիքը վերքից

Մասնագետները պնդում են, որ ոչ մի դեպքում չի կարելի վերքից հեռացնել դանակը կամ այլ կտրող-ծակող գործիքը։ Վերքի մեջ մնալով՝ այն կանգնեցնում է արյունը և չի թողնում, որ Դուք արնաքամ լինեք։ Դրա փոխարեն փորձեք էլ ավելի քչացնել արյան արտահոսքը վերքից և անմիջապես շտապ օգնություն կանչեք։

Հրդեհի ժամանակ, ինչքան հնարավոր է, մոտ եղեք հատակին

Հրդեհի առավել վտանգավոր մասը ծխից խեղդվելն է։ Ծուխն առավել մեծ քանակով կուտակվում է առաստաղի մոտ, այդ իսկ պատճառով պետք է իջնել հատակին ինչքան հնարավոր է ցածր մակարդակի վրա և այդպես տեղաշարժվել։

Մշտապես Ձեզ մոտ ունեցեք անձը հաստատող փաստաթուղթ, հարազատների կոնտակտներ և բժշկական քարտ

Եթե Ձեզ մոտ լինեն վերը նշված բոլոր փաստաթղթերը, ապա ցանկացած մարդ կկարողանա արդյունավետ օգնություն ցույց տալ Ձեզ։ Կարևոր է նաև ունենալ հարազատների հեռախոսահամարները, ում մարդիկ կկարողանան զանգահարել, եթե Ձեզ հետ ինչ-որ բան պատահի։