Մարինա Գրեգը՝ նոր կարգավիճակում

Blognews.am-ը գրում է . 

EXCLUSIVE

Հաղորդավարուհի Մարինա Գրեգին շուտով կտեսնեք ֆիլմում: Սա հաղորդավարուհու առաջին փորձն է, իսկ տպավորությունների և մանրամասների մասին կիսվել է BlogNews.am-ի հետ: 

«Նկարահանվել եմ ռուս-հայկական ֆիլմում: Միքայել Պողոսյանի ֆիլմն է, իսկ ռեժիսորը Ալեքսեյ Զլոբինն է: Նկարահանվելու առաջարկը ստացել եմ ամռանը, խաղում եմ էպիզոդիգ դերում՝ լուրերի հաղորդավարուհի եմ: Մի քանի օր առաջ ավարտվել է ֆիլմի նկարահանումներն  և դեռ չգիտեմ, երբ կլինի պրեմիերան»,-պատմում է Մարինան և ավելացնում, որ բավականին հետաքրքիր են անցել նկարահանումները:

«Ամեն ինչ այնքանով էր լավ, որ ինքս իմ դերն է կատարում և կարիք չկար ավելորդ դերասանության: Առաջին անգամ էի ինձ փորձում արդեն ռեժիսորի տեսախցիկի օբյեկտիվի առջև: Արդյունքն էլ արդեն ֆիլմի ժամանակ կտեսնեք»:

Չնայած նկարահանումները հետաքրքիր են անցել, բայց Մարինեն իրեն չի փորձի դերասանուհու կարգավիճակում. «Ես միայն ուրախ եմ, որ փաստորեն իմ իրական կերպարը ընդունվել է ճիշտ և մարդիկ հենց այդպիսի դերում և կերպարում են ուզում ինձ տեսնել»:

Մարինան ոճային փոփոխությունների սիրահար է, և այն պահին երբ զրուցում էինք նա գեղեցկության սրահում էր և պատրաստվում էր հերթական փոփոխությանը. «Ես հասկացել եմ, որ իրականում գույները կապ չունեն՝ իմ հոգեվիճակը կապ ունի: Շատ էի ուզում ամառվանից հետո կտրուկ փոփոխություն, բաց գույնից հետո ուզում ավելի մուգ բան»:

Խոսելով հաղորդավարուհու իր կարգավիճակից՝ Մարինան նշեց, որ ոչինչ չի փոխվել. «Հիմա եթերում ենք ժամը մեկ և երեկոյան եթերի ժամանակ ինձ միանում է իմ գործընկեր Կարեն Մոլիտվինը: Կարենի հետ մենք աշխատել ենք դեռ «21 Թիվի» տարիներին, հեռուստադիտողը շատ էր մեզ ցանկանում տեսնել միասին: Հիմա ես և Կարենը լրիվ այլ ձևաչափում ենք հանդես գալիս, ինչի համար շատ ուրախ եմ և շատ կարևոր է, որ գործընկերդ քեզ հասկանում է»: 

Նյութը՝ Սիրանուշ Գրիգորյանի