Եթե ընդդիմություն են, թող միավորվեն

Գայանե Հոեվսեփյանը ֆեյսբուքյան իր էջում գրում է . 

 

Երեկ ,,Երկիրը,, Վանաձորի ՏԻՄ ընտրությունների վերաբերյալ ասաց․,,Վանաձորում Դաշնակցությունը Հանրապետականի հետ կոալիցիա կկազմի,,։Ու սա՝կարելի է ,,սպառնալիք,, համարել։Բա ու՞ր մնաց ,,ընդդիմադիր դաշնակցությունը,,․թե՞ չղջիկի ու մկան պատմությունն է․երբ ժողովրդից ձայն հավաքելու են գնում՝,,ընդդիմադիր,, են, իսկ երբ հերթը հասնում է կոնկրետ ժողովրդանպաստ գործողություններին՝կանգնում են ոչ թե ընդդիմադիր ուժերի, այլ՝ՀՀԿ-ի կողքին։

 

Երեկ ,,Լուսավոր Հայաստան,, վանաձորյան կուսակցությունը,որ Վանաձորի ավագանու ընտրություններում երկրորդ տեղում է հայտնվել, դիմեց լուսավոր առաջարկով՝ուղղված ,,Օրինացին,, /նույն ինքը՝վերանվանված հայաստանյան ,,Հայկական վերածնունդ,,․սփյուռքի համանման կուսակցության հետ կապ չունեցող/,ինչպես նաեւ՝ԲՀԿ-ին, որոնք երրորդ եւ չորրորդ հորիոնականն են զբաղեցնում ստացած ձայներով․այն է՝միավորվել ,,Լուսավոր Հայաստանի,, հետ, որպեսզի ընդհանուր տոկոսային հարաբերությամբ Վանաձորի կառավարումը կարողանան իրենց ձեռքը վերցնել, որպեսզի այն կրկին ՀՀԿ-ի ձեռքում չհայտնվի/Ի դեպ, ,,Լուսավոր Հայաստանի,,ղեկավարը, որ միաժամանակ անկախ պատգամավոր է, քանիցս ասել է, որ ինչքան անգամներ դիմել է քաղաքային արդեն նախորդ իշխանություններին՝ժողովրդի բողոքների հետ կապված հարցերով,բայց՝ հանդիպել է ՀՀԿ-ի անդրդվելի պատին/,,Պատը կմնա պատ, կխորտակվի մի պինդ ճակատ,,-ասել էր հայտնի բանաստեղծներից մեկը, եւ ուրեմն այլեւս անիմաստ է այդ պատին հույս դնելը։-Գ․Հ․/։

 

Հիմա եթե այդ 2 ուժերը՝ԲՀԿ-ն ու ,,Օրինացը,, ընդդիմադիր են/ինչպես հաճախ են պնդում/, ուրեմն պետք է միանան ,,Լուսավորի,, առաջարկին։Հակառակ պարագայում կստացվի, որ ընդդիմության անունից ՀՀԿ-ի ջաղացին ջուր լցնող են։Եթե խելամիտ գտնվի, Դաշնակցությունն էլ կմիանա նրանց, որպեսզի խորհրդարանակն ընտրությունների ժամանակ երես ունենա ժողովրդից ձայն խնդրելու։Փրկեք Վանաձորը՝քանի դեռ ուշ չէ։

Ի դեպ, ,,Լուսավորի,, առաջնորդը տեղին նկատեց, որ բացի ՀՀԿ-ից, մնացած կուսակցությունների ձայները ժողովրդի կամքի իրական դրսեւորում են, իսկ ՀՀԿ-ի պարագայում գործի են դրվել վարչական ռեսուրսներ՝ընտրողների նկատմամբ/որոնց թվում դեր է խաղացել նաեւ ՏԻՄ-երում ու պետական համակարգում աշխատողների վախը՝աշխատանքը կորցնելուց/։

 

․․․Հիշեցնենք, որ Գյումրիում առհասարակ ՀՀԿ չկա ավագանու կազմում, ինչը նշանակում է ՀՀԿ-ի վերացում՝մեկ առանձին վերցրած խոշոր քաղաքում։Ընդ որում, Գյումրիում Դաշնակցությունն էլ չի հաղթել։Արդյո՞ք սա չի նշանակում, որ Գյումրիում ժողովրդավարական ուժերն ավելի ակտիվ են, քան՝Վանաձրում․թեպետ՝այս երկու քաղաքներն էլ ,,ոչ,, էին ասել սահմանադրական բարեփոխումներին։