Քաղաքագետ. «Հայկական վերածննդին» հաջողություն ապահովեցին ակնհայտ ռեբրենդինգն ու ճիշտ թեկնածուների ընտրությունը
Քաղաքականություն
«Հայկական վերածնունդ» կուսակցության (նախկին «Օրինաց երկիր») հաջողությունը պայմավորված էր ակնհայտ ռեբրենդինգով, ճիշտ թեկնածուների ընտրությամբ, ինչպես նաեւ ընտրողների հետ անհատական աշխատանքով: NEWS.am-ի թղթակցի հետ զրույցում այս մասին հայտարարեց Միջազգային եւ անվտանգության հարցերի հայկական կենտրոնի ղեկավար, քաղաքագետ Ստեփան Սաֆարյանը:
Հարցին, ինչպես կարողացավ «Օրինաց երկիրը» նոր՝ «Հայկական վերածննդի» տեսքով հաջողության հասնել, Ստեփան Սաֆարյանը պատասխանեց. «Ակնհայտ ռեբրենդինգը, թեկնածուների ճիշտ ընտրությունը, ինչպես նաեւ ընտրողների հետ անհատական աշխատանքը, ինչին ծանոթ է «Օրինաց երկիրը»: Այս երեք բաղադրիչներն էլ, ըստ քաղաքագետի, «Հայկական վերածնունդ» կուսակցության համար արդյունք ապահովեցին:
Հիշեցնենք, որ հոկտեմբերի 2-ին անցկացված տեղական ինքնակառավարման մարմինների ընտրություններում «Հայկական վերածնունդ» կուսակցությունը Գյումրիում 10.62% ձայն ստացավ, Վանաձորում՝ 13.34%:
1
2
3
4
5
1
2
3
4
5
2
3
