Սուրիկ Խաչատրյանը փոխվեց, որովհետեւ կարիք կար թարմ ավյունի. փոփոխություններ կլինեն նաեւ ՀՀԿ-ում. Շարմազանով
Քաղաքականություն
Սուրիկ Խաչատրյանը փոխվեց, որովհետեւ կարիք կար թարմ աշխատանքի: Այս մասին, այսօր՝ հոկտեմբերի 6-ին, Ազգային ժողովում լրագրողների հետ զրույցում ասել է ԱԺ փոխնախագահ Էդուարդ Շարմազանովը:
«Սյունիքի մարզպետ Սուրիկ Խաչատրյանի հրաժարականը պայմանավորված էր իշխանության որդեգրած նոր քաղաքականությամբ: Այդ փոփոխությունը պայմանավորված է նոր մոտեցումների, նոր պահանջների, նոր փիլիսոփայության հանգամանքներով»,-ասաց Շարմազանովը:
Հարցին՝ Սուրիկ Խաչատրյանը չէ՞ր համապատասխանում նոր մոտեցումներին, ԱԺ փոխնախագահը պատասխանեց. «Համապատասխանել-չհամապատասխանելու խնդիրը չէ: Կարիք կա նոր թարմ ավյունի, նոր թարմ աշխատանքի, որի մասին Հանրապետության նախագահը խոսել է դեռեւս փետրվարի 12-ին: Փոխվել է ոչ միայն Սուրիկ Խաչատրյանը: Կադրային լուրջ, ռադիկալ փոփոխություններ եւս եղել են կառավարությունում, դրանք կլինեն, փոփոխություններ են սպասվում ՀՀԿ ղեկավար մարմնում, գործադիր մարմնում: Չեմ բացառում, որ այստեղ էլ փոփոխություններ լինեն»:
Վարչապետ Կարեն Կարապետյանի ՀՀԿ-ին անդամակցելու եւ կուսակցության խորհրդում ընդգրկվելու վերաբերյալ Շարմազանովն ասաց. «Ես կոռեկտ չեմ համարում մինչեւ համագումարի օրակարգի հաստատումը ներկայացնել իմ գնահատականները: ՀՀԿ-ում ինչպես նախորդ համագումարներում, այնպես էլ հիմա, բնականաբար լինելու են փոփոխություններ: Չեմ բացառում, որ փոփոխություն լինի գործադիր մարմնում: Կմտնի՞ ՀՀԿ պարոն Կարապետյանը, թե չի մտնի, ոչ զարմացեք, ոչ էլ…»:
1
2
3
4
5
3
4
5
1
2
3
4
5
