«Հանրապետություն» կուսակցությունը պատրաստ է համագործակցել իրական ընդդիմադիրների հետ. Արամ Սարգսյան
«Հանրապետություն» կուսակցությունը 2017-ին պատրաստ է համագործակցել իրական ընդդիմադիրների հետ։ Այդ մասին այսօր՝ հոկտեմբերի 7-ին կուսակցության 15-րդ տարեդարձին ասաց կուսակցության խորհրդի նախագահ Արամ Սարգսյանը։
«Այս տարիներին մենք ունեցել ենք բազմաթիվ կորուստներ եւ ձեռքբերումներ։ Եւ ամենածանրը ընկերոջ եւ համախոհի ֆիզիկական կորուստն է, որը չի լրացվում ոչ մի կերպ»,- նշեց Արամ Սարգսյանը՝ հիշելով զինակիցներին, որոնք վաղաժամ հեռացան կյանքից։
«Հանրապետություն» կուսակցության նախագահը նաեւ շնորհավակալություն հայտնեց կուսակցության նախկին անդամներին։
«Յոթ ամսից մեզ սպասվում են ճակատագրական նշանակության համապետական ընտրություններ։ «Հանրապետություն» կուսակցությունը հիմա էլ իր սկզբունքներին եւ անցած ճանապարհին հավատարիմ, իրական ընդդիմադիր դաշտի համախմբման կողմնակից է։ Պատրաստ ենք համագործակցել այդ դաշտում գործող ցանկացած ուժի հետ, իսկ միեւնույն գաղափարական մոտեցումներն ունեցող քաղաքական կուսակցությունների եւ անհատների հետ՝ անգամ ձեւավորել դաշինքային հարաբերություններ՝ միասնական ցանկով հանդես գալու հանձնառությամբ»,- նշել է Արամ Սարգսյանը եւ հավելել, որ, բարեբախտաբա, Հայաստանում կան նման ուժեր, բայց այդ մասին կխոսեն առաջիկա համագումարում։
Կուսակցությանը շնորհավորելու էին եկել ՀԺԿ նախագահ Ստեփան Դեմիրճյանը, ՀԱԿ փոխնախագահ Լեւոն Զուրաբյանը, «Քաղաքացիական պայմանագիր կուսակցության ներկայացուցիչներ Նիկոլ Փաշինյանն ու Սասուն Միքայելյանը, «Հայազն» կուսակցության անդամներ, «Ժառանգություն» կուսակցության փոխնախագահ Արմեն Մարտիրոսյանը, ՀՀՇ նախագահ Արարատ Զուրաբյանը, ԱԺ պատգամավոր Ալեքսանդր Արզումանյանը, «Ազատամարտիկներ դաշինքի» անդամներ։
1
2
3
4
5
3
4
5
2
3
4
5
