Ռուսական մամուլում սկսել են հոդվածներ հրապարակում, թե ինչ նշանակություն ունի Ռուսաստանը Հայաստանի անվտանգության համար
Ստեփան Դանիելյանը ֆեյսբուքյան իր էջում գրում է.
Ռուսական մամուլում սկսել են հոդվածներ հրապարակում, թե ինչ նշանակություն ունի Ռուսաստանը Հայաստանի անվտանգության համար և նշում են Ղարաբաղի հակամարտության վերսկսման վտանգը ու Թուրքիայի հետ լարված հարաբերությունները: Այդ հիմնավորումները մեղմ ասած հիմք ունեն: Սակայն չի նշվում, թե ինչ նշանակություն ունի Հայաստանը Ռուսաստանի համար: Մերձավոր Արևելքում տեղի ունեցող դեպքերի առումով Հայաստանի նշանակությունը այս կամ այն չափով հասկանալի է:
Սակայն այն, թե ինչ կլինի Հայաստանը կորցնելուց հետո, ռուսական վերլուծաբանները համեստորեն լռում են, որովհետև դրա մասին բացահայտ խոսելով կարող են ժամանակից շուտ անվստահություն հայտնել իրենց բնակչության մի մեծ հատվածի նկատմամբ: Իսկ դա հասկանալու համար բավական է ծանոթանալ անգամ 19-րդ դարի ռուսական ռազմաբան վերլուծաբանների նյութերը:
Վերջնականապես կորցնելով Հարավային Կովկասը, հարցականը տակ է դրվում Ռուսաստանի ամբողջականությունը` հետագա զարգացումների կոնտեքստում: Հյուսիսային Կովկասի սահմանները զրկվում են պատնեշից և համաթյուրքական ու իսլամիստական ազդեցությունները մի քանի աստիճանով ուժեղանալու են և տարածվելու են Թաթարստանում, Բաշկորստանում և ոչ միայն այնտեղ: Դա կարող է ապագայում ողբերգական լինել Ռուսաստանի ամբողջականության համար:
Հայաստանը Վրաստանի հետ միասին կարող է դառնալ նաև ճանապարհ Իրանի համար դեպի` Սև ծով և դրա հետևանքով Իրանը ավելի վստահ քաղաքականություն կվարի և իր քայլերը չի պայմանավորի Ռուսաստանի շահերով, իսկ ապագայում դա կյանքի ճանապարհ կարող է դառնալ Քրդստանների համար:
Եթե Հայաստանում լիներ ոչ կոռումպացված և սթափ իշխանություն, ապա Ռուսաստանը պատրաստ կլիներ հաշվի նստել Հայաստանի շահերի հետ: Իսկ հիմա, որպես անկախ երկիր, մենք ըստ էության գոյություն չունենք:
1
2
3
4
5
1
3
4
5
1
2
3
5
