Սերժ Սարգսյանը Նյու Յորքում հանդիպում է ունեցել Ամերիկայի Հայկական համագումարի տնօրենների խորհրդի անդամների հետ (ֆոտո)
Նախագահ Սերժ Սարգսյանը Նյու Յորքում հոկտեմբերի 10-ի առավոտյան հանդիպում է ունեցել Ամերիկայի հայկական համագումարի տնօրենների խորհրդի անդամների հետ:
Զրուցակիցներն անդրադարձել են համահայկական կարեւորություն ունեցող օրակարգային հարցերին, Ամերիկայի հայկական համագումարի գործունեության առաջնահերթություններին, դինամիկ զարգացող հայ-ամերիկյան հարաբերություններին ու դրանց հետագա ամրապնդման եւ խորացման հնարավորություններին: Մտքեր են փոխանակել նաեւ միջազգային արդի խնդիրների, Հարավային Կովկասի տարածաշրջանի մարտահրավերների, ԼՂ հիմնախնդրի կարգավորման բանակցային գործընթացի ներկա փուլի ու առկա խնդիրների, Սիրիայում շարունակվող ռազմական գործողությունների հետեւանքով առաջացած փախստականների հիմնախնդրի շուրջ: Այդ համատեքստում ՀՀ Նախագահը եւ Ամերիկայի հայկական համագումարի տնօրենների խորհրդի անդամները քննարկել են Սիրիայի մեր հայրենակիցներին, ինչպես նաեւ ռազմական գործողություններից տուժած Սիրիայի բարեկամ ժողովրդին Հայաստանի Հանրապետության եւ հայկական տարբեր կազմակերպությունների կողմից համատեղ ջանքերով ցուցաբերվող աջակցությանը վերաբերող հարցեր:
Սերժ Սարգսյանը պատասխանել է նաեւ հանդիպման մասնակիցներին հետաքրքրող հարցերին, ներկայացրել Հայաստանի տնտեսական զարգացման ընթացքն ու հեռանկարը, ՀՀ նոր կառավարությունից ակնկալիքները:
Միացյալ Նահանգներ աշխատանքային այցի շրջանակներում նույն օրը երեկոյան Նախագահը կմասնակցի «Հայաստան» ներդրումային համաժողովին:
1
2
3
4
5
3
4
5
2
3
4
5
