Հայկական կողմն ակնկալում է ԵԽԽՎ նախագահի առավել անկողմնակալ մոտեցումները
Քաղաքականություն
Հոկտեմբերի 12-ին Եվրոպայի խորհրդի խորհրդարանական Վեհաժողովում տեղի է ունեցել ՀՀ ԱԺ փոխնախագահ, ԵԽԽՎ փոխնախագահ, ԵԽԽՎ հայկական պատվիրակության ղեկավար Հերմինե Նաղդալյանի և ԵԽԽՎ նախագահ Պեդրո Ագրամունտի հանդիպումը, որի ընթացքում քննարկվել են Վեհաժողովի աշխատանքներին առնչվող ընթացիկ հարցերը, քաղաքական գործընթացների հնարավոր զարգացումները , համագործակցության եզրերը , ԵԽԽՎ-ում շրջանառվող նախաձեռնությունների ընթացքը:
Գոյություն ունեցող ավանդույթի համաձայն, ըստ որի ընդունված են Վեհաժողովի նախագահների այցերը անդամ երկրներ, ԵԽԽՎ գործող նախագահը ևս ցանկություն է հայտնել այցելել Հայաստանի հանրապետություն: .
Պեդրո Ագրամունտը նաև տեղեկացրել է , որ պատրաստվում է հայկական և ադրբեջանական պատվիրակությունների միջև շփումներ կազմակերպելու նախաձեռնությամբ հանդես գալ և քննարկել ԵԽԽՎ աշխատանքները առավել կառուցողական հունով տանելու հնարավորությունները::
Հերմինե Նաղդալյանը զրույցի ընթացքում նշել է, որ, իհարկե, վերջին շրջանում ԵԽԽՎ-ում կատարվող գործընթացները , նոր նախաձեռնությունները շատ կարևոր են և իրենց ազդեցությունը թողնում են ողջ վեհաժողովային գործընթացների վրա, և այդ իմաստով, անշուշտ, էական են ԵԽԽՎ նախագահի նախաձեռնությունները։ Ամեն դեպքում, հայկական կողմը ակնկալում է ԵԽԽՎ նախագահի .առավել անկողմնակալ , հավասարակշռված և անաչառ մոտեցումները , ինչը կնպաստի, առաջին հերթին, Վեհաժողովի աշխատանքների արդյունավետությանը և մթնոլորտի բարելավմանը: Կողմերը համաձայնել են անդրադառնալ բարձրացված հարցերին գալիք տարվա հունվարյան նստաշրջանում:
1
2
3
4
5
3
4
5
1
2
3
4
5
