Քաղաքագետ. Ռուսական եւ սիրիական ուժերը ցանկանում են Արեւելյան Հալեպն ազատագրել մինչեւ ԱՄՆ-ում ընտրությունները
Header
Հայաստանի իշխանությունները պետք է բաց լինեն Հալեպի հայերին աջակցելու հարցով քննարկումների համար, որոնք ցանկանում են տեղափոխվել: Այս մասին հոկտեմբերի 13-ին մամուլի ասուլիսում հայտարարել է քաղաքագետ Հայկ Մարտիրոսյանը:
Սակայն, ցավոք, ըստ քաղաքագետի, նրանք դրան պատրաստ չեն: «Դա, իհարկե, պայմանավորված է օբյեկտիվ եւ սուբյեկտիվ պատճառներով: Սիրիահայերից շատերը ցանկանում են Հայաստան վերադառնալ: Իհարկե, չարժե զինապարտներին վերադառնալու կոչ անել, քանի որ դա կհակասի Սիրիայի պետական շահերին, իսկ հայերը մշտապես օրինապահ քաղաքացիներ են եղել»,- ընդգծել է Մարտիրոսյանը՝ շարունակելով, որ սիրիահայերի մեծ մասը ցանկանում է Կանադա կամ Ավստրալիա մեկնել: «Եվ դա կնշանակի Սիրիայում հայ համայնքի մեկընդմիշտ անհետացում»,- ասել է Մարտիրոսյանը:
Նրա խոսքով՝ անհրաժեշտ է նաեւ հաշվի առնել, որ սկսվել է Հալեպի համար ճակատամարտը: «Ռուսական եւ սիրիական օդուժը եւ Սիրիայի ցամաքային զորքերը սկսել են Արեւելյան Հալեպի ազատագրման գործողությունը: Ամենայն հավանականությամբ, նրանք ցանկանում են դրան հասնել մինչեւ ԱՄՆ նախագահական ընտրությունները կամ երդմնակալությունից հետո մեկ-երկու ամսվա ընթացքում, քանի որ Հիլարի Քլինթոնի հաղթանակի դեպքում ԱՄՆ արտաքին քաղաքականության մեջ, հատկապես Մերձավոր Արեւելքի ուղղությամբ մեծ փոփոխություններ կլինեն»,- ամփոփել է Հայկ Մարտիրոսյանը:
1
2
3
4
5
3
4
5
1
2
3
4
5
