Հորը սպանած 15-ամյա տղային անմեղսունակ են ճանաչել
Ուշադրության կենտրոնում
Ռուսաստանի Կիրովի շրջանային դատարանում կայացել է եզրափակիչ դատական նիստը 15-ամյա դեռահասի գործով , որին մեղադրուն են հորը սպանելու ու մորն ու քրոջը վիրավորելու մեջ։
Քննչական կոմիտեի մամուլի ծառայությունը հայտնում է, որ կրկնակի փորձաքննության արդյունքներով դեռահասին անմեղսունակ են ճանաչել։ Նրան ազատել են քրեական պատասխանատվությունից ու ուղարկել հարկադիր բուժման հոգեբուժարանում։ Պատանին հիվանդանոցում կանցկացնի առնվազն կես տարի։
Հիշեցնենք, որ դեպքը տեղի է ունեցել այս տարվա մարտի 13-ին, Սամարայում Ստավրոպոլյան փողոցի տներից մեկում։ Այդ օրը ժամը մոտ 14։00-ին 41-ամյա հայրն ու որդին վիճել են։ Քննության տվյալներով, վիճաբանության ընթացքում 15-ամյա տղան մի քանի անգամ դանակով հարվածել է հորը, ինչի հետեւանքով վերջինը մահացել է, նաեւ վիրավորել էր 37-ամյա մորն ու 13-ամյա քրոջը։ Հետո նա զանգահարել էր տատիկին ու հայտնել տեղի ունեցածի մասին։ Տուժածներին հոսպիտալիզացրել են։ Հիմա կնոջ ու նրա դստեր կյանքին վտանգ չի սպառնում։
Կատարվածից հետո տղային ձերբակալել են, նա հիմա կալանքի տակ է։ Առաջին հետազոտության ժամանակ մասնագետները դեռահասին մեղսունակ էին ճանաչել, բայց կրկնակի փորձաքննությունը հակառակն է ցույց տվել։
1
2
3
4
5
1
2
3
4
5
2
3
