Սակագինը պարզ առիթ էր ժողովրդի հոգում կուտակվածը բարձրաձայնելու համար

Համլետ Աբրահամյանը ֆեյսբուքյան իր էջում գրում է. 

Սակագինը պարզ առիթ էր ժողովրդի հոգում կուտակվածը բարձրաձայնելու համար։ Սակագինը չլիներ մի ուրիշ բան կլիներ։ Կարևորը ոչ սակագինն է ոչ էլ այդ ուրիշ բանը։ Կարևորը այն է որ վերջապես խոսեց հայոց երիտասարդությունը։ Սա է այս բոլորի կարևորագույն եզրակացությունը։ Սակագինը կհանեն, կթողնեն թե ինչ կանեն թող իրենց արածը իրենց գլուխն ուտի։

Սակայն ինչ էլ անեն այլևս այս երիտասարդության բերանը փակել չեն կարող։ Ոչ էլ նրա ձգտումներն ու երազանքները կարող են սանձել։ 

Գետը իր վրա բռնի դրված պատնեշը քանդել է ու Թբիլիսիի վերջին հեղեղի նման ինչքան աղբ ու կեղտ կա կսրբի կտանի իր ճանապահից՝ մաքրելով երկրի հողը, ջուրն ու օդը։ 
Ազատության թարմ շունչը կպել է երիտասարդության քթին ու խուտուտ է տալիս՝ իր գայթակղությամբ գրավելով ու հմայելով նրան։ 

Ազատության բույրը զգացած երիտասարդին այլևս կապանքների մեջ առնելը անհնարին է։
Ձեր գլխի ճարը տեսեք ու փախեք որքան արագ կարող եք։ Իսկ ձեր Ուստիաններին էլ ասեք որ չուլ փալասը հավաքեն ու պատրաստ լինեն ձեր մոտակա փախուստին։