Նախագահի այսօրվա խորհրդակցությունը տալիս է բոլոր հարցերի պատասխանները ու մենք պիտի ուրախ լինենք, որ Հայաստանը նման մարդ է ղեկավարում

Խոստովանեք, որ փողոց փակելով, գոռալով, պահանջելով, հրահրելով, բախվելով միևնույն է հարցը լուծում չի ստանալու։

Նախագահի այսօրվա խորհրդակցությունը տալիս է բոլոր հարցերի պատասխանները ու մենք պիտի ուրախ լինենք, որ Հայաստանը նման մարդ է ղեկավարում, ով բարձր է գնահատում քաղաքացիական հասարակության արդար պահանջը ու ժողովրդավարական զարգացումները մեր երկրում ու հուսով է, որ երկխոսությունն է նման կարևոր խնդրի լուծումը։

ՀԵՑ-ի հարցը ամենակարևոր խնդիրներից է մեր երկրի ու դա մի քանի օրում չի լուծվելու, դա պահանջում է երկար աշխատանք, քննարկումներ, խորազնին վերլուծություններ, սառը հաշվարկներ, մասնագիտական ու փորձագիտական մոտեցում։

Հուսով եմ, որ երիտասարդները, որոնց մեջ նաև ունեմ ընկերներ, կանսան նախագահի հորդորին ու կօգնեն իշխանություններին այս հարցը լուծելու ճիշտ ճանապարհով։

Պետություն կառուցելը բարդ ու երկար աշխատանք է, մենք պիտի պատվով անցնենք այս ճանապարհը։