Ֆրանցիսկոս պապը Շվեդիայում հանդիսությունների կմասնակցի
Միջազգային
Հռոմի պապ Ֆրանցիսկոսը երկօրյա այցով ուղեւորվել է Շվեդիայի հարավ: Այցը նվիրված է Մարտին Լյութերի բարեփոխումների 500-ամյակին եւ կոչված է միավորել «կաթոլիկներին եւ լյութերականներին»: ՏԱՍՍ-ի փոխանցմամբ՝ հովվապետության 3.5 տարվա ընթացքում սա Իտալիայի սահմաներից դուրս պապի 17-րդ ուղեւորությունն է:
«Չի կարելի լինել կաթոլիկ եւ աղանդավորական»,- շվեդական Signum ամսագրին եւ իտալական La Civilta Cattolica-ի հետ հարցազրույցում ասել է նա: Հռոմի պապը խոսել է լյութերականների հետ իր բազմամյա բարեկամության մասին եւ ընդգծել «համատեղ ճանապարհի» կարեւորությունը, որը թույլ կտա չփակվել «խիստ շրջանակներում, որը բացառում է բարեփոխումների հնարավորությունը»:
Իր այցի գլխավոր նպատակը Ֆրանցիսկոս պապն այսպես է ձեւակերպել՝ «մոտիկ լինել շվեդ եղբայրներին եւ քույրերին», «շարունակել աստվածաբանական երկխոսությունը՝ շեշտը դնելով ողորմածության համատեղ գործերի վրա»:
Այցի ծրագրով նախատեսված է Լունդայի մայր տաճարում Ֆրանցիսկոսի կողմից պատարագի մատուցումը, հանդիպումներ Շվեդիայի վարչապետ Ստեֆան Լյովենի, Կառլ XVI Գուստավ թագավորի եւ նրա տիկնոջ՝ թագուհի Սիլվիայի հետ:
1
2
3
4
5
1
2
3
4
5
2
3
