Ի՞նչ ուղղություն կվերցնի շարժումը
Հայկ Համբարձումյանը ֆեյսբուքյան իր էջում գրում է.
Հայտնի դարձավ, որ Սերժ Սարգսյանն այսօր խորհրդակցություն է անցկացրել տնտեսական քաղաքականության պատասխանատուների հետ, որի շրջանակներում անդրադարձել էլեկտրաէներգիայի սակագների բարձրացման խնդրին:
Վերջինս նախ խոսել է ռուսական կողմի հետ ձեռք բերած պայմանավորվածության մասին՝ ՀԷՑ-ում աուդիտ անցկացնելու վերաբերյալ, ապա հայտարարել, որ մինչ աուդիտի անցկացումը, 6.93 դրամի բեռն իր վրա կվերցնի կառավարությունը:
«Ոչ թալանին» նախաձեռնության անդամները հայտարարել են, որ այս առաջարկն իրենց համար ընդունելի չէ, քանի որ իրենց պահանջը՝ որոշման կասեցում, չի բավարարվել:
Նախագահաի հայտարարությունը փակուղային իրավիճակից դուրս գալու կոմպրոմիսային հնարավորություն էր և ինչու չէ, մեծ առումով բավարարում էր բոլոր կողմերին:
Ինչևէ, ակցիայի մասնակիցները բազմաշերտ են՝ տարբեր նպատակներով ու պատկերացումներով, որոշվեց, որ շարունակում է հին պարտիան:
Սակայն այստեղ ոչ պակաս կարևոր հարցադրում է՝ ո՞ր ուղղությամբ կընթանա շարժումը: Եթե նույնիսկ ընդունելի չէ նախագահի հայտարարությունը, ապա այն մարտահրավեր է շարժման համար՝ անելու պատասխան քայլ:
Պատասխան քայլի խելամիտ լինելը կարևոր է նախևառաջ այն տեսանկյունից, որ դրանից է կախված շարժման ապագան (հույզերը մի կողմ դրած): Բարձր տրամադրությունից, ոգևորությունից հիասթափություն մեկ քայլ է, իսկ այս իրավիճակում նախաձեռնության անդամների թիվ մեկ խնդիրը «հաղթանակած շարժման» պահպանումն է:
Կարճ ասած՝ մեկնված ձեռքը չբռնելը մեկ բան է, դրա պատասխանատվությունը ստանձնելը՝ մեկ այլ բան: Առջևում շարժմանը բարդ օրեր են սպասվում:
1
2
3
4
5
1
3
4
5
1
2
3
5
