Այս պահին օրենքի որեւէ խախտում չի արձանագրել. Նախարարը՝ Ամուլսարի ոսկի հանքի շահագործման մասին
Հասարակություն
Բնապահպանության նախարարության մասով իրականացված բոլոր փորձաքննություններն առնվազն այս պահին օրենքի որեւէ խախտում չեն արձանագրել: Այս մասին այսօր՝ նոյեմբերի 2-ին, Ազգային ժողովում ասել է բնապահպանության նախարար Արծվիկ Մինասյանն՝ անդրադառնալով Ամուլսարի ոսկու հանքի շահագործմանը:
«Սա մի ծրագիր է, որով շուրջ 400 մլն դոլարի ներդրման մասին է խոսքը, որը պահանջում է զգուշավոր մոտեցում հատկապես ներդրողների տեսակետից: Ես կողմնակից չեմ ամեն գնով էմոցիոնալ հայտարարություններն առաջ մղելու»,- ասաց Արծվիկ Մինասյանը:
Նա նշեց, որ ցանկացած տնտեսական ծրագիր պետք է այլընտրանքով բանավեճի առարկա դառնա, եթե չկա այլընտրանքային ծրագիր, ստացվում է, որ շատ հաճախ հայտարարությունները հիմնավորված մոտեցում չեն: Ասաց, որ բնապահպանության նախարարության մասով իրականացված բոլոր փորձաքննություններն առնվազն այս պահին օրենքի որեւէ խախտում չեն արձանագրել:
Հարցին՝ որպես բնապահպանության նախարար՝ ինքը թույլատրելի՞ է համարում Ջերմուկի պես առողջարանի հարեւանությամբ նման հանքավայրի շահագործումը, նախարարը պատասխանեց. «Էմոցիոնալ հարթության վրա հարցադրում է դա: Եթե չկա ծրագրի այլընտրանքը, այլ ընդամենը ասում ենք, որ մեր պապերն ապրել են այդտեղ կամ մենք ենք ստեղծել այս քաղաքը, ճիշտ չէ: Եթե վնասը կամ այլընտրանքային ծրագիրը ներկայացված չէ, ի՞նչն եք ինչի հետ համեմատում: Ես ի՞նչ կարող եմ անել, երբ կա ծրագիր եւ որով նախատեսված է, որ ամբողջ գործընթացները գոնե մեր գործող օրենսդրության շրջանակներում արվել է: Սրա լուծումը ո՞րն է»:
1
2
3
4
5
1
2
3
4
5
1
2
3
4
5
