Վանաձորի քաղաքապետին շնորհավորել են սիրային մոտիվներով. «Հրապարակ»
Մամուլ
«Հրապարակ» օրաթերթը գրում է. «Վանաձորի քաղաքապետ Մամիկոն Ասլանյանը, ինչպես նշում Են նրա շրջապատի մարդիկ, խիստ մեծ ուշադրություն է հատկացնում իր PR-ին և ամեն պատեհ-անպատեհ առիթ օգտագործում է իր անձի կարևորությունն ընդգծելու համար։ Հավանաբար, այդ նպատակով էլ նա իր ֆեյսբուքյան էջում տեղագրել է ՌԴ Սամարայի նահանգի նոտարական պալատի նախագահ Գալինա Նիկոլաևայի շնորհավորական ուղերձը՝ կապված Վանաձորի քաղաքապետ դառնալու հետ։ Այն հագեցած Է Պուշկինի ժամանակների սիրային նամակներին հատուկ քնարական զեղումներով ու պաթետիզմով։ «Հարգելի և թանկագին ընկեր Մամիկոն Լենդրուշովիչ»,– գրում Է Գալինա Նիկոլաևան. «Ընդունեք իմ ամենաանկեղծ շնորհավորանքները Ձեր կյանքում արձանագրված ևս մեկ համոզիչ հաղթանակի առթիվ՝ ընտրություններում տարած հաղթանակի, որոնց միջոցով ավագանին, արտահայտելով վանաձորցիների կամքը, Ձեզ մեծ վստահություն հայտնեց»։ Ուշագրավ են նաև Եզրափակիչ տողերը։ «Մաղթում եմ Ձեզ նորանոր բարձունքների անվերջ նվաճում, Ձեր գաղափարների և ոչ ստանդարտ որոշումների, ինչպես նաև պրոգրեսիվ և նույնիսկ ամբիցիոզ նախագծերի իրականացում»։ Սա այն շնորհավորանքներից Է, որի ամեն բառը մի քանի աստիճանով բարձրացնում Է ինքնագնահատականդ, այդ դեպքում ինչո՛ւ չմասսայականացնել այն, եթե կա համապատասխան միջոց՜ Ֆեյսբուքը։ Նկատենք, որ Մամիկոն Ասլանյանը գրանցված Է սոցիալական մի քանի ցանցերում՝ «Օդնոկլասնիկի», «Թվիթեր», «ՎԿոնտակտե», սակայն ամենաակտիվը Ֆեյսբուքում է»:
Մանրամասները՝ թերթի այսօրվա համարում։
1
2
3
4
5
1
2
3
4
5
2
3
