Աբաշիձե. Վրաստանի եւ Ռուսաստանի դիվանագիտական հարաբերությունների վերականգնման հարցը չի քննարկվում

Ռուսաստանի հետ դիվանագիտական հարաբերությունների վերականգնման հարցը չի քննարկվում, բայց եթե Աբխազիայի եւ Հարավային Օսիայի հետ կապված հարցերում զգալի որակյալ տեղաշարժ արձանագրվի, ինչ-որ փուլում այդ հարցը կարող է բարձրացվել: Գրուզիա Օնլայնի փոխանցմամբ՝ Ռուսաստանի հետ կապերի հարցով Վրաստանի վարչապետի հատուկ ներկայացուցիչ Զուրաբ Աբաշիձեն այսպես է մեկնաբանել ՌԴ Ագ փոխնախարար Գրիգորի Կարասինի հարցազրույցը, որում նա խոսել է ռուս-վրացական դիվանագիտական հարաբերությունների մասին:

«Ռուսաստանն այս տարեսկզբից պարզեցրել է Վրաստանի հետ վիզային ռեժիմը, նրանց կողմից տրամադրված վիզաների թիվը զգալիորեն աճել է: Մենք չենք կարող Ռուսաստանին պարտադրել ավելի պարզեցնել գործընթացը կամ չեղարկել վիզային ռեժիմը: Դա նրանք պետք է որոշեն»,- ասել է նա: