Աշխարհի գրեթե բոլոր երկրներում ծխախոտի և ալկոհոլի վաճառքը անչափահասներին արգելված է օրենքով
Blog
Միքայել Գրիգորյանը ֆեյսբուքյան իր էջում գրում է .
“Կարմիր գծեր” այս բառակապակցությունը տարիներ առաջ դարձավ հասարակության շրջանում ամենաշատ օգտագործվող բառակապակցություններից մեկը:
Երեք-չորս տարի է ինչ Հայաստանում գործում են վճարովի ավտոկայանատեղիներ, այդ համակարգը ներդրվել է որպեսզի մեքենաների կանգառների մշտական խնդիրները, որոնք որ շատ ժամանակ ավարտվում էին վեճերով, վերանան: Շատ դեպքեր են եղել երբ մասնավոր տարածքների դիմաց մեքենան կայանելուց հետո մոտենում էր այդ տարածքի պահակը (պայամանական այդպես կոչենք) և հայտարարում թե սա մասնավոր սեփականություն է և այստեղ իրավունք ունի կանգնելու միայն սեփականատիրոջ մեքենան: Նմանատիպ խնդիրները կարծում եմ այս տարիների ընթացքում լուծվեցին: Իհարկե շատ շատերը իրենց դժգոհությունն էին հայտնում թե ինչու պետք է վճարեն մեքենան կանգնեցնելու համար և հայտարարում էին, որ աշխարհում մենակ Հայաստանում է այսպես:
Աշխարհի գրեթե բոլոր զարգացած երկրներում նման համակարգերը առկա են, բավական է ուղղակի համացանցի միջոցով փնտրել և համոզվել:
Այդ տարիներին Հայաստանում ճանապարհային երթևեկության կանոնների նկատմամբ վերահսկողական նոր համակարգ ներդրվեց: Մարդկային միջամտության և կոռուպցիոն ռիսկերի նվազեցման համար, հանրապետության տարածքում սկսեցին գործել տեսանկարահանող սարքավորումներ: Դրանք գործում էին մասնավոր – պետություն համագործակության շրջանակներում, ինչը կրկին դժգոհելու առիթ էր դարձել:
Տեսանկարահանող սարքերի ներդրման փաստին շատերը դրական չէին արձագանքում, որը իմ կարծիքով առնվազն նորմալ չէ, քանի-որ արդյունքները տեսանելի էին բոլորի համար:
Դրանց առկայությունը, ուղղակի պարտադրում է վարորդին լինել էլ ավելի ուշադիր և պահպանել երթևկության կանոնները, որոնցից կախված է ոչ միայն իր այլև քաղաքցիների անվտանգությունը:
ՀՀ Նախագահ Սերժ Սարգսյանն այսօր խորհրդակցություն է հրավիրել ճանապարհային երթևեկության կանոնների նկատմամբ վերահսկողական համակարգերի և վճարովի ավտոկայանատեղերի կազմակերպման ծրագրի վերաբերյալ հարցերի քննարկման նպատակով:
Խորհրդակցության ընթացքում Նախագահը նշել է, որ պետք է վարել բանակացություններ մասնավոր ընկերությունների հետ, որպեսզի ողջ ֆինանսական հոսքերը կառավարվեն համապատասխան պետական և համայնքային կառույցների կողմից, հաշվի առնելով սեփականության անձեռնմխելիությունը ու նաև պետության ու համայնքի շահերը:
Ամփոփելով խորհրդակցության արդյունքները՝ Հանրապետության Նախագահը հանձնարարել է ՀՀ ոստիկանության պետին և առաջարկել Երևանի քաղաքապետին՝ «Սեքյուրիթի դրիմ» ՍՊԸ և «Փարկինգ Սիթի Սերվիս» ու «Լոկատոր» ՓԲԸ կոնսորցիումի հետ բանակցությունների արդյունքում 10-օրյա ժամկետում համապատասխան իրավական մեխանիզմներ մշակել, որպեսզի սեփականության ձևով պայմանավորված նրանց գործառույթները, այդ թվում՝ ֆինանսական հոսքերի տնօրինումն ու կառավարումն անցնեն պետական և համայնքային կառույցներին: Միաժամանակ, քննարկել այդ համակարգերում մարդկային գործոնի ազդեցության նվազեցմանն ու կողմնակի միջամտությունները բացառող բոլոր վերահսկողական կառուցակարգերի լիարժեք պահպանման ու շարունակական կատարելագործման հնարավորությունները՝ համապատասխան առաջարկությունները ներկայացնելով ՀՀ կառավարության քննարկմանը:
1
2
3
4
5
1
3
4
5
1
2
3
4
5
