Եթե «Համախմբումը» ընտրություններին գնա առանձին, ցուցակը գլխավորելու եմ ես. Օսկանյան
Քաղաքականություն
Եթե «Համախմբումը» առաջիկա խորհրդարանական ընտրություններին գնա առանձին, ցուցակը գլխավորելու եմ ես: Այս մասին, այսօր՝ նոյեմբերի 10-ին, լրագրողների հետ հանդիպման ժմանակ նշել է «Համախմբում» կուսակցության ղեկավար, ԱԳ նախկին նախարար Վարդան Օսկանյանը:
Նրա խոսքով, սա եղել է կուսակցության խորհրդի որոշումը, որը սակայն կդրվի նաեւ համագումարի հաստատմանը:
«Իսկ եթե գնանք դաշինքով, մենք պատրաստ ենք մեր անձնական հավակնությունները մի կողմ դնել եւ շարժվել համընդհանուր շահով»,-ասաց Օսկանյանը:
«Համախմբում» կուսակցության նախագահը նշեց, որ առաջիկա խորհրդարանական ընտրությունները բացառիկ հնարավորություն են օրինական ճանապարհով հասնել երկրում քաղաքական, տնտեսական, սոցիալական իրավիճակի փոփոխության, որի բաղադրիչներից է նաեւ նոր որակի իշխանության ձեւավորումը:
«Առաջիկա խորհրդարանական ընտրությունները բացառիկ են: Եթե նախկինում խորհրդարանական ընտրություններում խոսում էին կենցաղային խնդիրների մասին, այս անգամ անվտանգության, արդարության, արտաքին քաղաքականության խնդիրներն են ձեւավորելու օրակարգը:
Երկրում այսօր իրական եւ խորքային փոփոխությունների հրամայականը միանշանակ է: Սրա մասին խոսում են բոլորը, այդ թվում սփյուռքում: «Համախմբումը» միանում է այդ կոչերին, որով կարելի է հասնել համախմբման եւ երկրում իրավիճակ փոխել: Մեր երկիրը շատ լուրջ մարտահրավերների առջեւ է կանգնած, բայց դրանցից պետք չէ վախենալ, անտեսել, այլ համարձակորեն խոսել դրանց մասին եւ փորձել լուծումներ գտնել»,-ասաց նա:
1
2
3
4
5
3
4
5
1
2
3
4
5
