Քաղաքագետ. Ամերիկյան քաղաքական համակարգը Թրամփին թույլ չի տա անել՝ ինչ ուզում է
Քաղաքականություն
Ամերիկյան քաղաքական համակարգը թույլ չի տա, որպեսզի Դոնալդ Թրամփն անի՝ ինչ ուզում է: Նոյեմբերի 10-ին կայացած «Թրամփը՝ ԱՄՆ նոր նախագահ. ինչպիսի՞ն կլինի ազդեցությունը տարածաշրջանի վրա» թեմայով քննարկման ժամանակ այս մասին հայտարարել է Միջազգային եւ անվտանգության հարցերի հայկական կենտրոնի ղեկավար, քաղաքագետ Ստեփան Սաֆարյանը
Նրա խոսքով՝ Թրամփը «չկտրված ձմերուկ է»: «Թրամփը ստիպված կլինի վերանայել իր հայտարարությունների մի մասը, քանի որ շատ ուղղություններ, որոնք մասին նա հայտարարել է նախընտրական արշավի ժամանակ, «մեկ մեքենա» չեն դառնում եւ խանգարում են միմյանց: Կարծում եմ, որ նախագահ Թրամփն այլ որակներով կներկայանա, որը կտարբերվի թեկնածու Թրամփից»,- նշել է Սաֆարյանը:
Ըստ քաղաքագետի, ի դեմս Թրամփի՝ մենք գործ ունենք որոշակի դժգոհության հետ, որը կիսում են ամերիկյան հանրության բազմաթիվ ներկայացուցիչներ:
«Եթե անգամ մենք ընդունենք, որ Թրամփը շատ անհաջող թեկնածու կամ նախագահ է ԱՄՆ-ի համար, ամեն դեպքում, դա ուժեղ համակարգ է, որտեղ ինստիտուտներն ամենուր գործում են: Եվ այդ համակարգը թույլ չի, որպեսզի նա անի՝ ինչ ուզում է: Վտանգները նվազագույնի են հասնում համակարգի շնորհիվ, որը նախագահին թույլ չի տա ինքնուրույն գործել»,- հավելել է Ստեփան Սաֆարյանը:
1
2
3
4
5
3
4
5
1
2
3
4
5
