Անկախության սերունդը կարևոր հաղթանակներ է գրանցել
Մովսես Դեմիրճյանը ֆեյսբուքյան իր էջում գրում է.
Քանի դեռ շատերը քննարկում են բողոքի ակցիայի անցկացման ճիշտ ու սխալ վայրերը, ոմանք էլ դավաճաններ ու սադրիչներ են փնտրում, հարկ է արձանագրել կարևոր մի շարք ձեռքբերումներ, որ գրանցվեցին այս օրերին մեր երկրում:
Ամենակարևոր նվաճումը հենց երիտասարդների մոտ անկարողության զգացումը կոտրելն էր, ապա՝ շատերի համար անակնկալ ձևով երկրում հայասեր, հայրենասեր, ուժեղ ու անկեղծ երիտասարդության առկայությունը: Դրա արդյունքում մենք կունենանք ևս մի կարևոր ձեռբքերում՝ Հայաստանի քաղաքական դաշտից քիչ-քիչ դուրս կմղվեն քաղաքական գուռուները կամ քրմերը, և նրանց տեղի կզբաղեցնեն երիտասարդները: Նրանք արդեն ապացուցել են ինքնակազմակերպվելու, ինքնամաքրվելու իրենց ունակությունը:
Նաև, շատերի համար աննկատ ձևով, հաստատվեց հանրություն-իշխանություն երկխոսության նոր ձևաչափ, երբ կողմերն ընդունում են խնդրի լուծմանը քայլ-առ-քայլ մոտենալու սկզբունքը:
Անկախության սերունդի երիտասարդների մեջ շատ են նրանք, ովքեր բարեհաջող խուսափել են վերջին տարիների ընթացքում քարոզչամեքենայի անիվների տակ մնալուց, երգեր, գրքեր ու ֆիլմեր են քննարկել, ռոք են լսել, շրջել են երկրով և ճանաչել Հայաստանը, ճանաչելով էլ՝ սիրել այն, և այժմ պայքարում են երկրի համար, այն երկրի, որտեղ իրենք ուզում են ապրել: Սա այն երիտասարդությունն է, որ երկար տարիներ տներում, փաբերում, արշավներում և ինտերնետում դժգոհել է, քննարկել ու ելքեր փնտրել: Եվ օրեր առաջ այդ երիտասարդությունը փաբերից, տներից, ինտերնետից դուրս եկավ փողոց: Դրա համար էլ երգն ու պարը, ժպիտն ու սերը, բարությունն ու մարդասիրությունն են ուղեկցում նրանց: Ինչպես նաև՝ անփորձությունից բխող սխալները: Նորմալ է: Կարևորը՝ առողջ պրոցես է, կենսունակ, մարդկանց գրավող և մտածել ստիպող:
1
2
3
4
5
1
3
4
5
1
2
3
5
