՛՛Սանիտեկ՛՛ ընկերությանը պատկանող մեկ հատ աղբամանի գինը 300 000 ՀՀ դրամ է
Անինա Հովհաննիսյանը ֆեյսբուքյան իր էջում գրում է.
Ցուցարարների մոտ կա 41 աղբաման: Ստացվում է, որ նրանք ՛՛Սանիտեկ՛՛ ընկերությանը հասցրել են 12 300 000 ՀՀ դրամի չափով վնաս: Եթե այս գումարին ավելացնենք նաև այս օրերի ընթացքում ՛՛Սանիտեկ՛՛ ընկերության կողմից իրականացված հավելյալ ծախսերը, որոնք կապված են աղբամանները վերցնելու հետ, ապա բավականին կլորիկ գումար է ստացվելու: Շատ հավանական է, որ ՛՛Սանիտեկ՛՛ ընկերությունն աղբամանները վերադարձնելուց հետո որոշի, որ դրանք պիտանի չեն շահագործման և պահանջի վնասի ամբողջական փոխհատուցում՝ այսինքն աղբամանների ամբողջ արժեքը գումարած այս օրերի ընթացքում ՛՛Սանիտեկի՛՛ կողմից արված ծախսերը:
Քր.օրենսգրքի 185-րդ հոդվածի 1-ին կետով էլ արարքը պատժվում է տուգանքով՝ նվազագույն աշխատավարձի հիսնապատիկից հարյուրապատիկի չափով՝ 50 000-100 000 ՀՀ դրամի չափով, կամ ուղղիչ աշխատանքներով՝ առավելագույնը մեկ տարի ժամկետով, կամ կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
Կոչ եմ անում ցուցարարներին ադեկվատ գտնվել և հնարավորինս շուտ աղբամանները վերադարձնել ՛՛Սանիտեկին՛՛, ինչպես նաև խորհրդակցել իրավաբանների հետ հնարավորինս արագ և նվազագույն վնասներով այս հարցը կարգավորելու համար:
Եվ վերջում, իրոք, մի մոռացեք, թե ինչի համար եք հավաքվել Բաղրամյան պողոտայում՝ վերջին հաշվով չեք հավաքվել, որ գրավեք պողոտան, ուստի էական չէ այդտեղ եք շարունակելու պայքարը, թե մեկ այլ վայրում: 21-րդ դարում հաղթում է խելքը, ոչ թե ուժը կամ ամբոխը: Պայքարեք ուղեղով:
1
2
3
4
5
1
3
4
5
1
2
3
5
